بۇگىن اكادەميك رابيعا سىزدىق 92 جاسقا تولدى

استانا. قازاقپارات - 92 جىل بۇرىن (1924) فيلولوگيا عىلىمىنىڭ دوكتورى، پروفەسسور، قازاقستاننىڭ ەڭبەك سىڭىرگەن عىلىم قايراتكەرى، قازاقستان ۇلتتىق عىلىم اكادەمياسىنىڭ اكادەميگى سىزدىق رابيعا ءساتىعالي قىزى دۇنيەگە كەلدى.
None
None

عالىم اقتوبە مۇعالىمدەر ينستيتۋتىن، اباي اتىنداعى قازاق پەداگوگيكالىق ينستيتۋتىن جانە اسپيرانتۋراسىن بىتىرگەن. 1951-1957 -جىلدارى - قازاق مەملەكەتتىك كوركەم ادەبيەت باسپاسىنىڭ اعا رەداكتورى، رەداكسيا مەڭگەرۋشىسى. 1957-1961 -جىلدارى - قازاق ك س ر عىلىم اكادەمياسى ءتىل ءبىلىمى ينستيتۋتىنىڭ كىشى عىلىمي قىزمەتكەرى. 1961-1981 -جىلدارى قازاق ك س ر عىلىم اكادەمياسى ءتىل ءبىلىمى ينستيتۋتىنىڭ اعا عىلىمي قىزمەتكەرى، ءتىل مادەنيەتى ءبولىمىنىڭ مەڭگەرۋشىسى قىزمەتتەرىن اتقارعان. 1981 - جىلدان قازاقستان عىلىم اكادەمياسى ءتىل جانە ادەبيەت ينستيتۋتىنىڭ باس عىلىمي قىزمەتكەرى، مادەنيەت جانە قازاق تىلدەرى ءبولىمىنىڭ مەڭگەرۋشىسى قىزمەتتەرىن اتقاردى.

 عالىمنىڭ نەگىزگى عىلىمي ەڭبەكتەرى قازاق ءتىلى تاريحى مەن گرامماتيكاسى، ءتىل مادەنيەتى ماسەلەلەرىنە ارنالعان. قازاق جازبا ادەبيەتىنىڭ نەگىزىن سالۋدا اباي قۇنانبايەۆ شىعارمالارىنىڭ زور ماڭىز اتقارعانىن دالەلدەدى. «قازاق ءتىلىنىڭ تۇسىندىرمە سوزدىگى»، «قازاق ءتىلىنىڭ ورفوگرافيالىق سوزدىگى»، «اباي ءتىلىنىڭ سوزدىگى»، تاعى باسقا ەڭبەكتەردى جازۋعا قاتىستى. 15-19 - عاسىرلارداعى قازاق ادەبي ءتىلىنىڭ تاريحىن، ق. جالايىردىڭ «جامي- ات- تاۋاريح» اتتى شەجىرەسى ءتىلىن، قازاق ءتىل مادەنيەتىنىڭ ماسەلەلەرىن زەرتتەدى. ونىڭ «اباي شىعارمالارىنىڭ ءتىلى»، «اباي ولەڭدەرىنىڭ سينتاكسيستىك قۇرىلىسى»، «سوزدەر سويلەيدى»، «ءسوز سازى»، «قازاق ءتىلى ادىستەرىنىڭ نەگىزگى ماسەلەلەرى»، تاعى باسقا ەڭبەكتەرى جارىق كوردى. ر. سىزدىقتىڭ 130 دان استام عىلىمي عىلىمي ەڭبەگى، ونىڭ ىشىندە 9 مونوگرافياسى، وقۋلىعى، وقۋ قۇرالى بار. ەسىمى قازاقستان رەسپۋبليكاسىنىڭ التىن كىتابىنا ەنگىزىلگەن.

ءومىر بەلەستەرى

سىزدىقوۆا ءرابيعا ءساتىعالي قىزى 1924 -جىلعى تامىز ايىنىڭ 17 - كۇنى اقتوبە وبلىسىنىڭ ويىل قالاشىعىندا دۇنيەگە كەلدى.

1931-1938 ج ج. ورتا مەكتەپتە وقىدى.

1938-1940 ج ج. اقتوبە وبلىسىنىڭ تەمىر قالاسىنداعى پەدۋچيليشەدە وقىدى.

1940-1945 ج ج. اقتوبە وبلىسىنىڭ العا ستانساسىندا باستاۋىش كلاس مۇعالىمى، تەمىر قالاسىندا ورتا مەكتەپتىڭ مۇعالىمى، تەمىر قالاسىنداعى پەدۋچيليشەنىڭ وقىتۋشىسى، اقتوبە قالاسىنداعى №6 ورتا مەكتەپتىڭ وقۋ ءىسى مەڭگەرۋشىسى.

1945 ج. «1941-1945 ج ج. وتان سوعىسى كەزىندەگى ەڭبەكتەگى ەرلىگى ءۇشىن» مەدالىمەن ماراپاتتالدى.

1945-1947 ج ج. اباي اتىنداعى قازاق پەداگوگيكا ينستيتۋتىنىڭ ستۋدەنتى.

1947-1951 ج ج. قازپي- دە اسپيرانتۋرادا وقىدى.

1951-1957 ج ج. قازاقتىڭ وقۋ- پەداگوگتىك باسپاسىندا («مەكتەپ»، «راۋان») رەداكتور جانە رەداكسيا مەڭگەرۋشىسى بولىپ قىزمەت ىستەدى.

1957-1961 ج ج. قازاق ك س ر عىلىم اكادەمياسى ءتىل جانە ادەبيەت ينستيتۋتىنىڭ كىشى عىلىمي قىزمەتكەرى (وسى جىلداردان باستاپ تابان اۋدارماي ءتىل ءبىلىمى ينستيتۋتىندا ءتۇرلى دارەجەدە قىزمەت اتقارىپ كەلەدى).

1959 ج. «اباي قارا سوزدەرىنىڭ نەگىزگى مورفولوگيالىق ەرەكشەلىكتەرى» دەگەن تاقىرىپتا كانديداتتىق ديسسەرتاتسيا قورعادى.

1971 ج. «قۇرمەت بەلگىسى» وردەنىمەن ناگرادتالدى (21 - شىلدە).

- «اباي شىعارمالارىنىڭ ءتىلى» دەگەن تاقىرىپتا دوكتورلىق ديسسەرتاتسيا قورعادى (25 - مامىر).

1979 ج. قازاق س س ر عىلىم اكادەمياسىنىڭ كوررەسپوندەنت مۇشەسى بولىپ سايلاندى (26 - ءساۋىر).

1981 ج. قازاقستان كومپارتياسى ورتالىق كوميتەتىنىڭ، قازاق ك س ر جوعارعى كەڭەسى مەن مينيسترلەر كەڭەسىنىڭ 26 - مامىرداعى قاۋلىسىمەن قازاق ك س ر- ءىنىڭ قۇرمەتتى التىن كىتابىنا جازىلدى.

1984 ج. قازاق ك س ر- ءىنىڭ ەڭبەك سىڭىرگەن عىلىم قايراتكەرى قۇرمەتتى اتاعى بەرىلدى (25 - شىلدە).

1989 ج. تۇركى تىلدەرى ماماندىعى بويىنشا پروفەسسور اتاعى بەرىلدى ؛

1995 ج. «قازاق ادەبي ءتىلىنىڭ تاريحى» اتتى مونوگرافياسى ءۇشىن ق ر ۇ ع ا- نىڭ شوقان ءۋاليحانوۆ اتىنداعى سىيلىقتىڭ لاۋرەاتى اتاعى بەرىلدى.

1996 ج. ابايدىڭ شىعارماشىلىق مۇراسىن زەرتتەۋ جونىندەگى جۇمىستار سيكلى ءۇشىن قازاقستان رەسپۋبليكاسىنىڭ مەملەكەتتىك سىيلىعىن الدى.

سوڭعى جاڭالىقتار