استاناداعى كورمەدە قازاقستاندىق 92 كاسىپورىن اسكەري ماقساتتاعى ونىمدەرىن ۇسىندى
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
22-25 - مامىر ارالىعىندا استانا حالىقارالىق اۋەجايىنىڭ اسكەري سەكتورى اۋماعىندا وتكەن ءىس- شاراعا الەمنىڭ 28 مەملەكەتىنەن 208 شەتەلدىك كومپانيا، 54 رەسمي دەلەگاتسيا قاتىستى.
التى كورمە پاۆيلونى مەن اشىق الاڭداردا بەس تاقىرىپتىق باعىت بويىنشا قارۋ- جاراق پەن تەحنيكانىڭ 300 دەن استام ۇلگىسى قويىلدى.
بۇل جولى كورمە قۇرلىق اسكەرلەرى مەن اسكەري- تەڭىز كۇشتەرىنىڭ قارۋ- جاراعى مەن تەحنيكاسى، اۆياتسيا جانە اۆياتسيالىق قارۋ- جاراق، اۋە شابۋىلىنا قارسى قورعانىس جۇيەلەرى مەن قۇرالدارى، ارنايى ماقساتتاعى قۇرالدار مەن مۇلىكتەر،
ІТ- تەحنولوگيا، بايلانىس جۇيەلەرى مەن قۇرالدارى، اسكەرلەردى تىلدىق جانە تەحنيكالىق قامتاماسىز ەتۋ سەكتسيالارىنان تۇردى.
كورمەدە 92 قازاقستاندىق كاسىپورىن اسكەري ماقساتتاعى ونىمدەرىن ۇسىندى.
بيىلعى « KADEX » كورمەسىنە العاش رەت «بوينگ» ، «سيكورسكي» ، «دجەنەرال اتوميكس» سياقتى كوشباسشى كومپانيالار كەلدى.
كورمە كۇندەرى قۇرلىق اسكەرلەرى مەن ارنايى ماقساتتاعى بولىمشەلەردىڭ، اۆياتسيالىق تەحنيكانىڭ كورسەتىلىمدەرى ۇسىنىلىپ، اتۋ قارۋلارى مەن وق- دارىلەردىڭ سىناعى وتكىزىلدى.
ىسكەرلىك باعدارلامالار شەڭبەرىندە ۇ ق ش ۇ- عا مۇشە مەملەكەتتەر ۇكىمەت باسشىلارىنىڭ قورعانىس- ونەركاسىبى كەشەندەرىنە جەتەكشىلىك ەتەتىن ورىنباسارلارىنىڭ كەڭەسى، ۇ ق ش ۇ اسكەري- ەكونوميكالىق ىنتىماقتاستىق جونىندەگى مەملەكەت ارالىق كوميسسياسى جانىنداعى ىسكەرلىك جانە ۇيلەستىرۋ كەڭەستەرىنىڭ جارنامالىق- كورمەلىك قىزمەتى بويىنشا وتىرىسى وتكىزىلدى.
« KADEX -2014» كورمەسىنە كۇن سايىن ق ر قارۋلى كۇشتەرىنىڭ، قۇقىق قورعاۋ جانە ارنايى مەملەكەتتىك ورگاندارىنان 10 مىڭعا جۋىق مامان تارتىلدى. كورمەدە 45 مىڭنان استام كەلۋشى بولدى.
الىس- جاقىن شەتەلدەردەن كەلگەن جوعارى كاسىبي اسكەري وركەسترلەر ۇسىنعان دەفيلە « KADEX -2014» كورمەسىنە قاتىسۋشىلار مەن قوناقتارىنىڭ ايرىقشا نازارىن اۋداردى.
« KADEX -2014» كورمەسىنە اقپاراتتىق قولداۋ كورسەتۋ ءۇشىن قىرىقتان استام قازاقستاندىق جانە شەتەلدىك باق- تىڭ 200 گە جۋىق جۋرناليسى قاتىستى.
« KADEX -2014» كورمەسىنىڭ ماڭىزدى قورتىندىسى ساتىپ الاتىن ونىمدەردىڭ سپەكترىن انىقتاۋ، قازاقستاننىڭ قورعانىس- ونەركاسىبى كەشەنى كاسىپورىندارىن دامىتۋ ءۇشىن قوسىمشا جاعدايلار قۇرۋ، قارۋ- جاراق جانە اسكەري- تەحنيكالىق مۇلىك وندىرەتىن جەتەكشى شەتەلدىك وندىرۋشىلەرمەن اسكەري- تەحنيكالىق ىنتىماقتاستىقتى جەتىلدىرۋ بولدى.
