بورتىندا 91 ادامى بار رەسەيلىك ۇشاق رادار ەكرانىنان جوعالىپ كەتتى

استانا. قازاقپارات - اۋە ديسپەتچەرلەرى رەسەيدىڭ سوچي قالاسىنان ۇشقان تۋ-154 ۇشاعىمەن بايلانىس ورناتا الماي جاتىر. رەسەيدىڭ قورعانىس مينيسترلىگىنە قارايتىن ۇشاق سيريالىق لاتاكياعا رەيس جاساعان،

 دەپ حابارلايدى بي- بي- سي.

انىقتالعان دەرەكتەر بويىنشا، تۋ-154 بورتىندا 91 ادام، ونىڭ ىشىندە مۋزىكانتشىلار مەن باسپا ءسوز وكىلدەرى بولعان، دەپ حابارلايدى ر ي ا نوۆوستي قارۋلى كۇشتەر دەرەككوزىنە سۇيەنىپ.

ينتەرفاكستىڭ توتەنشە قىزمەتى دەرەككوزىنىڭ ايتۋىنشا، ۇشاق راداردىڭ ەكرانىنان قارا تەڭىزدىڭ رەسەيلىك اۋماعىندا مانيەۆر جاساعان كەزدە جوعالدى. دەرەككوزدىڭ مالىمدەۋىنشە، ۇشاق اۋەجايدان 5-7 شاقىرىم ۇشقان سوڭ جوعالىپ كەتكەن. باسقا دا اقپاراتتارعا سۇيەنسەك، ۇشاق ماسكەۋ ۋاقىتىمەن ساعات 5:20-دا ۇشىپ، 20 مينۋتتان كەيىن بايلانىستان جوعالعان. بۇرىن رەسەي اۆياتسياسى ر ي ا نوۆوستيگە ۇشاقتىڭ ازاماتتىق ەمەستىگىن جانە ونىڭ قورعانىس مينيسترلىگىنە تيەسىلى ەكەندىگىن راستاعان ەدى.