قىتايدا كوشكىن ءجۇرۋى سالدارىنان ءىز-ءتۇسسىز جوعالعانداردىڭ سانى 91 ادامعا دەيىن جەتتى

استانا. قازاقپارات - قىتايلىق شىنجىن قالاسىندا (وڭتۇستىكتەگى گۋاندۇڭ پروۆينتسياسى) كوشكىن ءجۇرۋى سالدارىنان ءىز-ءتۇسسىز جوعالعانداردىڭ سانى 91 ادامعا جەتتى. بۇعان دەيىن 59 ادامنىڭ جوعالعانى حابارلانعان بولاتىن، دەپ جازادى BBC.

وقيعا Liuxi ونەركاسىپ پاركىندە ورىن العان. لاي كوشكىنىنىڭ سالدارىنان بىرنەشە تۇرعىن ءۇي زاقىمدانعان. جەدەل قىزمەتتەر ۇيىندىلەردى اشۋ وپەراتسياسىن جالعاستىرىپ وتىر.

وقيعا ورنىندا 560 تان استام قۇتقارۋشى، 100 دەن استام ءورت ءسوندىرۋ ماشيناسى جۇمىس ىستەۋدە. ۇيىندىلەردىڭ استىندا قالعان ادامداردى ىزدەۋگە يتتەر مەن ارنايى روبوتتار پايدالانىلىپ جاتىر. اپات اۋدانىندا جەدەل گوسپيتال اشىلدى.