زيمبابۆەنىڭ 91 جاستاعى پرەزيدەنتى وباماعا ۇيلەنۋگە ۇسىنىس ءبىلدىردى
91 جاستاعى ساياساتكەر ا ق ش-تا مۇنداي نەكەلەرگە رۇقسات ەتىلگەن بولسا باراك وبامامەن نەكەگە تۇرۋعا دايىن ەكەنىن ايتتى.
«پرەزيدەنت وباما ءبىر جىنىستى نەكەلەردى قولدايتىن بولسا جانە گوموسەكسۋالداردى قورعايتىن بولسا، مەن قاجەت بولسا ۆاشينگتونعا بارىپ، تىزەرلەپ وتىرىپ، وعان ۇسىنىس جاساۋعا ءازىرمىن»، - دەپ مالىمدەدى زيمبابۆە باسشىسى.
ايتا كەتەيىك، ونىڭ ءسوزىن جەرگىلىكتى اقپارات قۇرالدارى بىلاي ءتۇسىندىردى: «ول ەگەر وبامانىڭ سەكس-ازشىلىقتى قولدايتىن بولسا، ونىڭ كوگىلدىر بولۋى مۇمكىن ەكەنىن ايتتى. مۋگابە ونىڭ ءبىر جىنىستى نەكەلەردىڭ يدەياسىنىڭ كۇلكىلى ەكەنىنە وسىلايشا نازار اۋدارعانىن ايتادى»، - دەپ جازدى The Zimbabwe Daily باسىلىمى.
ايتا كەتەيىك، مۋگابە گوموفوبتىق مالىمدەمەلەردى ءجيى جاسايدى، ناقتىراق ايتساق، زيمبابۆەدە تانىمالدىعى ارتقان وبامانى جاعىمسىز ەتىپ كورسەتكىسى كەلەدى. بۇعان دەيىن ول بىلايشا مالىمدەمە جاساعان بولاتىن: «اكەسى افريكالىق بولعان مىنا امەريكالىق پرەزيدەنت وباما ەگەر گوموسەكسۋالداردى قولداماساق بىزگە قولداۋ كورسەتپەيتىنىن ايتادى. ءبىز ودان ءسىزدى گوموسەكسۋالدار تۋدى ما دەپ سۇرايمىز. ءبىز تۇقىمىمىزدى جالعاستىرا بەرۋىمىز كەرەك، ول ءۇشىن سەكس-ازشىلىقتار ەمەس، ەر ادام مەن ايەل كەرەك».
ەسكە سالايىق، 26 -ماۋسىمدا ا ق ش- تىڭ جوعارعى سوتى ءبىر جىنىستى نەكەلەرگە رەسمي تۇردە رۇقسات بەرگەن ەدى. وباما مۇنى ءىرى ءارى ماڭىزدى قادام دەپ اتادى. ا ق ش مەملەكەتتىك حاتشىسى دجون كەرري بولسا بۇل جەتىستىكپەن توقتاپ قالمايتىندارىن دا مالىمدەدى. ول امەريكالىقتاردىڭ ءبىر جىنىستى نەكەنى الەم بويىنشا مويىنداتۋعا تىرىسۋى كەرەكتىگىن مالىمدەدى.
