16:48, 04 - ءساۋىر 2015 | GMT +5
قىتايدا ەكى قىزمەتشى 91- قاباتتا ءىلىنىپ قالدى - كەسكىن
استانا. قازاقپارات - قىتايدا تەرەزە جۋاتىن ەكى قىزمەتشى شاڭحاي قارجى ورتالىعىنىڭ 91- قاباتىندا ءىلىنىپ قالدى، - دەپ حابارلادى Tengrinews TV.
جەرگىلىكتى اقپارات قۇرالدارىنىڭ حابارلاۋىنشا، كۇشتى جەلدىڭ سالدارىنان قىزمەتشىلەر تۇرعان اسپا تەرەزەگە سوعىلىپ، شايقالعان. ناتيجەسىندە قۇرىلعى مەيرامحانانىڭ تەرەزەسىن سىندىرعان.
Fanjian پورتالىنىڭ مالىمەتىنشە، تەرەزە جۋاتىن قىزمەتشىلەر امان. ولار ازداعان جاراقات الىپ، ازداپ شوشىنعان. بولعان جايتقا بايلانىستى مەيرامحانا قوناقتارى ەۆاكۋتسيالاندى. سونىمەن قاتار، عيماراتتاعى بىرنەشە كەڭسەلەر مەن ۇيىمدار جابىلدى.
بەينەتاسپانى عالامتورعا عيماراتقا كەلۋشىلەردىڭ ءبىرى سالعان ەكەن.
