كەلەر جىلدان باستاپ جوعارى ساناتتاعى مۇعالىمدەر جالاقىسى 91 مىڭ 494 تەڭگەنى قۇرايدى
ەسكە سالا كەتەيىك، مەملەكەت باسشىسى ن. نازاربايەۆتىڭ جولداۋدا جۇكتەگەن تاپسىرماسىنا سايكەس، ەڭبەك جانە حالىقتى الەۋمەتتىك قورعاۋ مينيسترلىگى ازاماتتىق قىزمەتكەرلەرگە جالاقى تولەۋدىڭ جاڭا جۇيەسىن ازىرلەگەن بولاتىن. وسىعان وراي، جاۋاپتى حاتشى ازاماتتىق قىزمەتشىلەرگە جالاقى تولەۋدىڭ قولدانىستاعى جۇيەسى مەن جاڭا جۇيەنىڭ ەرەكشەلىكتەرىنە توقتالىپ ءوتتى.
«ايتالىق، ءبىلىم بەرۋ سالاسىندا جوعارى ساناتتاعى مۇعالىمدەردىڭ جالاقىسى بيىلعى جىلدىڭ 1- قاڭتارىندا ۇستەمەاقىسىز، نەگىزگى بولىگى 68 مىڭ 664 تەڭگە بولدى. ال 1 - ساۋىردەگى 10 پايىزدىق وسىمنەن كەيىن ولاردىڭ جالاقىسى 73 مىڭ 761 تەڭگەنى قۇرادى. ياعني، بۇل جوعارى ساناتتاعى مۇعالىمنىڭ نەگىزگى جالاقىسى، بۇعان ۇستەمەاقىلاردىڭ قوسىلاتىنىن ەسكەرۋ كەرەك. ال ۇسىنىلىپ وتىرعان جاڭا جۇيەگە كەلسەك، كەلەر جىلدىڭ 1 - قاڭتارىنان باستاپ جوعارى ساناتتاعى مۇعالىمنىڭ نەگىزگى جالاقىسى 91 مىڭ 494 تەڭگەنى قۇرايتىن بولادى. بۇل - نەگىزگى جالاقى، وعان ۇستەمەاقى قوسىلادى» ، - دەدى ا. قۇرمانعاليەۆا.
ونىڭ ايتۋىنشا، جاڭا جۇيەگە سايكەس، مۇعالىمدەر جالاقىسى 33 پايىزعا وسەتىن بولادى. «وسىلايشا، ەلباسىنىڭ مۇعالىمدەر جالاقىسىن كوتەرۋ تۋرالى تاپسىرماسى كەلەر جىلدان باستاپ جاڭا جۇيەگە سايكەس، جۇزەگە اساتىن بولادى» ، - دەدى جاۋاپتى حاتشى.
اۆتور: قانات مامەتقازى ۇلى
