22:37, 19 - قاڭتار 2017 | GMT +6
ا ق ش پرەزيدەنتىنىڭ ۇلىقتاۋ راسىمىنە 91 جاستاعى امەريكالىق 18-رەت قاتىسادى
استانا. قازاقپارات - 91 جاستاعى امەريكالىق جۇما كۇنى ا ق ش پرەزيدەنتىنىڭ ۇلىقتاۋ راسىمىنە 18- رەت قاتىسادى، دەپ حابارلايدى The Associated Press.
ەسكە سالا كەتەيىك، 20 -قاڭتار كۇنى اق ءۇيدىڭ 45- باسشىسى دونالد ترامپ انت قابىلدايدى.
«روسسيسكايا گازەتا» اتاپ وتكەندەي، نيۋ-دجەرسي شتاتىنىڭ تۇرعىنى گارولد سميك العاش رەت 1941 -جىلدىڭ 20 -قاڭتارىندا امەريكا پرەزيدەنتىنىڭ يناۋگۋراتسياسىنا قاتىسقان. ول كەزدە فرانكلين رۋزۆەلت ءۇشىنشى رەت مەملەكەت باسشىسىنىڭ انتىن قابىلداعان. سميك 15 جاستا بولعان. ول دەموكراتتاردىڭ اتىنان تۇسكەن حيللاري كلينتونعا داۋىس بەرگەنىن جاسىرماسا دا، دونالد ترامپتىڭ يناۋگۋراتسياسىنا قاتىسپاقشى. سميك سايلانعان پرەزيدەنتتى ا ق ش- قا «بەيبىتشىلىك، مەديتسينالىق كومەك پەن جاڭا جۇمىس ورىندارىن» الىپ كەلسىن دەپ تىلەيتىنىن ايتتى.
