كوروناۆيرۋسپەن اۋىرعانداردىڭ 90 پايىزعا جۋىعى ۇيىندە ەمدەلىپ جاتىر
بۇل تۋرالى ق ر د س م مەديتسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى كۇلايىم ءبىرجانوۆا ايتتى، دەپ حابارلايدى قازاقپارات ءتىلشىسى.
«بۇگىندى تاڭدا العاشقى مەديتسينالىق-سانيتاريالىق كومەك كورسەتۋ ۇيىمدارى شتاتتىق رەجيمدە جۇمىس ىستەپ تۇر. فيلتر كابينەتتەرىمەن قامتىلعان، سانيتارلىق-دەزينفەكسيالىق جانە ەپيدەمولويالىق رەجيم ساقتاۋلى. اۋىرعانداردىڭ 90 پايىزعا جۋىعى امبۋلاتورلىق دەڭگەيدە ەم الىپ جاتىر»، - دەدى كۇلايىم ءبىرجانوۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، ك ۆ ي جۇقتىرعان ناۋقاستارعا ۋاقىتىلى مەديتسينالىق كومەك كورسەتۋ ءۇشىن العاشقى مەديتسينالىق-سانيتاريالىق كومەك دەڭگەيىندە 2387 موبيلدى بريگادا ۇيىمداستىرىلعان.
ونىڭ 1010 ءى - اۋىلدىق جەرلەردە. 2022-جىلدىڭ ءبىرىنشى جارتىجىلدىعىندا بريگادالار 815423 شاقىرۋعا بارعان. ەڭ كوپ شاقىرۋ قاراعاندى وبلىسىندا جانە نۇر-سۇلتان، الماتى قالالارىندا تىركەلگەن.
جەدەل مەديتسينالىق جاردەم كورسەتۋ ءۇشىن 2254 مەديتسينالىق اۆتوكولىك، 33 اۋە كولىگى، ونىڭ ىشىندە 20 ۇشاق پەن 13 تىكۇشاق بار. سونداي-اق 1484 جەدەل مەديتسنالىق جاردەم بريگاداسى قىزمەت كورسەتەدى.
20- شىلدەدەگى جاعداي بويىنشا جەدەل جاردەم شاقىرۋ 2021-جىلدىڭ ۇقساس كەزەڭىمەن سالىستىرعاندا 9,4 پايىزعا ارتقان.
