برازيليادا 90 نان اسا ادام سۋ تاسقىنىنىڭ قۇربانى بولدى
بۇل تۋرالى قازاقپارات رەسەيلىك ت ا س س اگەنتتىگىنە سىلتەمە جاساپ حابارلايدى. بۇدان بۇرىن 71 ادامنىڭ قازا تاپقانى تۋرالى حابارلانعان. قازىرگى كەزدە قۇتقارۋشىلار ۇيىندىلەر استىنان 24 ادامدى شىعاردى، 35 ادام ىزدەستىرىلىپ جاتىر. اتالعان جۇمىستارعا 400 قۇتقارۋشى، 200 پوليتسەي، سونىمەن قاتار اسكەريلەر مەن ەرىكتىلەر جۇمىلدىرىلعان. شتات گۋبەرناتورى كلاۋديۋ كاسترۋ سەيسەنبى كۇنى كەشتەن باستاپ توتەنشە جاعداي سالدارىن جويۋ جونىندەگى ۆەدومستۆوارالىق كۇشتەردى ۇيلەستىرۋ ءۇشىن قالاعا كەلدى.
«بۇل 1932 -جىلدان بەرگى جاۋعان ەڭ قاتتى جاڭبىر بولدى»، - دەپ مالىمدەدى گۋبەرناتور ب ا ق- قا. بۇدان ەرتەرەك جەدەل قىزمەتتەر شامامەن 190 كوشكىن مەن 230 كىشى اپات تۋرالى اقپارات العان، 80 تۇرعىن ۇيگە زاقىم كەلىپ، ولاردىڭ كەم دەگەندە 54 ءى تولىعىمەن قيراعان. قالاعا سەيسەنبى كۇنى التى ساعات ىشىندە 260 م م جاۋىن- شاشىن تۇسكەن. قالا بيلىگى قارالى كۇن جاريالاپ، توتەنشە جاعداي رەجيمىن ەنگىزدى. سينوپتيكتەرىڭ بولجاۋىنشا، جاقىن كۇندەرى تاعى دا جاۋىن- شاشىن تۇسپەك. برازيليا پرەزيدەنتى جاير بولسونارۋ قازىرگى كەزدە ءىس- ساپارمەن ماسكەۋدە ءجۇر. ول الەۋمەتتىك جەلىلەردە تابيعي اپاتتان زارداپ شەككەندەرگە كومەك كورسەتۋ، سونىمەن قاتار اسكەرلەردى جۇمىلدىرىپ، اپات سالدارىن جويۋ تۋرالى بۇيرىق بەردى.
بولسونارۋ جۇما كۇنى رەسەي مەن ماجارستانعا ساپارىنان ورالعاننان كەيىن بىردەن قالاعا كەلۋى كەرەك. بولعان وقيعاعا بايلانىستى رەسەي باسشىسى ۆلاديمير پۋتين كوڭىل ايتتى. برازيليانىڭ سولتۇستىگى، وڭتۇستىگى مەن وڭتۇستىك- شىعىسىندا جاز كەزىندە (جەلتوقساننىڭ اياعى مەن ناۋرىزدىڭ اياعى ارالىعى) مول جاۋىن جاۋادى، قاۋىپتى جاعداي جىل سايىن قايتالانىپ وتىرادى. ول اموزونياداعى ەكۆاتورلىق ورمانداعى جىلى ىلعالدى اۋانىڭ وڭتۇستىك- شىعىس باعىتتا اتلانت مۇحيتىنا قاراي جىلجۋىنان بولىپ وتىر.
2020 -جىلدىڭ قاڭتارىندا ەلدىڭ وڭتۇستىك- شىعىسىندا بولعان تابيعي اپاتتان 66 ادام قازا تاپتى. 2021 -جىلعى قاراشا - جاڭبىرلى ماۋسىمنىڭ باسىنان بەرى بايا، ميناس- جەرايس، ريو- دە- جانەيرو جانە سان- پاۋلۋ شتاتتارىندا 150 دەن اسا ادام قازا تاپقان. 2011 -جىلى قاڭتاردا كوشكىن مەن سۋ تاسقىنى سالدارىنان ريو- دە- جانەيرونىڭ تاۋلى اۋداندارىندا 900 دەن اسا ادام قايتىس بولىپ، 100 گە جۋىق ادام ءىز- ءتۇزسىز جوعالعان، 35 مىڭ تۇرعىن ءۇيسىز قالعان.
