كوكشەتاۋدا 90 جاستاعى تۇرعىندى كولىك قاعىپ كەتتى
بۇل تۋرالى قازاقپارات ءتىلشىسى اقمولا وبلىستىق پ د باسپا ءسوز قىزمەتىنە سىلتەمە جاساپ حابارلايدى.
ۆەدومستۆونىڭ مالىمەتىنشە، ماۋسىمنىڭ 10-دا كوكشەتاۋ قالالىق پ ب كەزەكشىلىك بولىمىنە اۋەزوۆ كوشەسىنىڭ «انەل» دۇكەنىنىڭ تۇسىندا جول- كولىك وقيعاسى ورىن العانى تۋرالى حابار ءتۇستى.
«بەلگىلى بولعانداي، سول كۇنى كەشكى ساعات 22:57 شاماسىندا «ۆاز-2107» كولىگىنىڭ 22 جاستاعى جۇرگىزۋشىسى جولدىڭ رۇقسات ەتىلمەگەن تۇسىنان وتپەك بولعان 90 جاستاعى تۇرعىندى قاعىپ كەتكەن. ەر ادام ءتۇرلى دەنە جاراقاتىمەن اۋرۋحانانىڭ جانساقتاۋ بولىمشەسىنە جاتقىزىلعانىمەن، العان جاراقاتتان كوز جۇمدى»، - دەيدى ۆەدومستۆودان.
پ د باسپا ءسوز قىزمەتىندەگىلەر اتاپ وتكەندەي، قازىرگى كەزدە، وسى وقيعاعا بايلانىستى ق ر ق ك 345-بابىنىڭ 3 بولىگى (كولىك قۇرالدارىن باسقارۋشى، تۇلعانىڭ جول قوزعالىسى جانە كولىك قۇرالدارىن پايدالانۋ ەرەجەسىن بۇزۋ، ابايسىزدا ادام ولىمىنە اكەلىپ سوقتىرۋ) بويىنشا سوتقا دەيىنگى تەرگەۋ امالدارى جۇرگىزىلۋدە.
ايتا كەتەيىك، 4 - ماۋسىمنان باستاپ اقمولا وبلىسى اۋماعىندا جۇرگىزىلگەن «قاۋىپسىز جول» الدىن الۋ شاراسى بارىسىندا جاياۋ جۇرگىنشىلەر تاراپىنان جول قوزعالىسى ەرجەسىنىڭ 448 رەت بۇزىلعاندىعى انىقتالدى.
اۆتور: اسلان وسپانوۆ
