ەلدەگى ءىرى كاسىپورىنداردىڭ 90 پايىزى اقپاراتتىق تەحنولوگيالارعا ينۆەستيتسيا سالۋدا
حولدينگ باسشىسى ءسوزىن 2017 -جىلعى اقپاراتتىق تەلەكوممۋنيكاتسيا سالاسىنىڭ دامۋ قورىتىندىسى مەن وسى جىلعى «سيفرلىق قازاقستان» مەملەكەتتىك باعدارلاماسىنىڭ نەگىزگى باعىتتارىنان باستادى.
«2018 -جىلى «زەردە» حولدينگىنىڭ «KPMG» كومپانياسىمەن بىرلەسە ينفراكوممۋنيكاتسيالىق تەحنولوگيالاردىڭ تالداۋىن جۇرگىزدى. اتالمىش تالداۋدىڭ ناتيجەسى بويىنشا، ءبىز ايتارلىقتاي ءوسىم بارىن بايقاپ وتىرمىز. ونىڭ الدىنداعى بىرنەشە جىلدا ءبىرشاما قالىس قالىپ بارا جاتقانىمىز كورىنىپ تۇراتىن. 2017 -جىلدىڭ قورىتىندىسى بويىنشا ءوسىم 3 پايىزدى كورسەتىپ وتىر»، - دەيدى حولدينگ باسشىسى.
رۋسلان ەڭسەبايەۆتىڭ سوزىنە سەنسەك، قازاقستاندا ІТ- ونىمدەرىنىڭ ەكسپورتى ءبىرشاما ازايعان.
«بۇعان ەڭ الدىمەن ءبىز ءوز ءونىمىمىزدى جەتكىزگەن ەلدەردە يمپورتتىڭ ورنىن اۋىستىرۋ ساياساتى جۇرگىزىلىپ جاتىر. ول ەلدەردە ەكونوميكانىڭ السىرەۋى بايقالادى. سونداي- اق، قازاقستانعا ІТ- ونىمدەردىڭ يمپورتىنىڭ مولشەرى تومەندەدى»، - دەيدى ول.
رۋسلان ەڭسەبايەۆ دەگەنمەن دە جاعىمدى ترەندتەردىڭ بايقالاتىنىنان حاباردار ەتتى.
«ءىرى كومپانيالاردىڭ 90 پايىزى اقپاراتتىق تەحنولوگيالارعا سالعان ينۆەستيتسيالارىن ءوسىرىپ جاتىر. بۇل البەتتە، الەمدىك ترەندتەردى ەسكەرسەك، وتە دۇرىس قادام. سيفرلىق تەحنولوگيالاردىڭ ونىمدىلىككە قالاي اسەر ەتەتىنىن بارلىق كاسىپورىندار ءتۇسىنىپ وتىر. كاسىپورىنداردىڭ بۇل باعىتتاعى شىعىندارىنىڭ 30 پايىزى اقپاراتتىق باعدارلامالارعا، 30 پايىزى - قۇرىلعىلارعا، 25 پايىزى وسى جوبالاردى ىسكە اسىرۋداعى ىشكى پەرسونالدارعا جانە 15 پايىزى عانا ІТ- قىزمەتتەردى دامىتۋعا جۇمسالادى»، - دەپ ءتۇيدى رۋسلان ەڭسەبايەۆ.
اۆتور: ايان بەكەن ۇلى
