قىتاي حالىق سانىنىڭ 90 ميلليونعا ءوسىپ كەتكەنىنە كۇمان كەلتىردى
بۇل شامامەن يسپانيا تۇرعىندارىنىڭ سانىن (46 ميلليون ادام) ەكى ەسەلەيدى.
بۇل تۋرالى The South China Morning Post حابارلايدى.
مەديسونداعى ۆيسكونسين ۋنيۆەرسيتەتىنىڭ عالىمى ي فۋسيان ۇزاق ۋاقىتقا سوزىلعان زەرتتەۋدەن كەيىن وسىنداي قورىتىندىعا كەلىپتى. ول ءوز مالىمەتتەرىن بەيجىڭ ۋنيۆەرسيتەتىندەگى بايانداما كەزىندە ايتتى.
پروفەسسوردىڭ سوزىنشە، ق ح ر- دىڭ ناقتى سانى - 1,29 ميلليارد ادام. بۇل رەتتە رەسمي ستاتيستيكا 1,37 ميلليارد ادامدى كورسەتىپ تۇر. فۋسيان بۇل رەتتە قىتايعا تۋۋ سانىن شەكتەۋ كەرەك ەمەس، كەرىسىنشە ىنتالاندىرۋ كەرەك دەيدى.
بۇل ەلدە جاسى 60 تان اسقان ادامدار الەم بويىنشا كوپ تۇرادى، شامامەن 15,5 پايىز. ب ۇ ۇ ەسەبىنشە عاسىر ورتاسىندا 500 ميلليون قىتاي بۇل جاس شەكتەۋىنەن اسىپ تۇسەدى. «ۇكىمەت تۋۋ دەڭگەيىن ارتىق باعالاپ، دەمگورافيالىق وزگەرىستەر جىلدامدىعىن باعالامادى» دەدى پروفەسسور.
قىتايداعى تۋۋ بويىنشا «ءبىر وتباسى - ءبىر بالا» باعدارلاۋ كامپانياسى 1979-جىلدان 2015-جىلعا دەيىن كۇشىندە تۇردى. بۇل باعدارلاما الدىنا قويعان ماقساتىن ورىنداي الدى. 2000-جىلى 1- قاراشادا قىتايداعى بەكىتىلگەن دەڭگەي 42,5 ميلليون ازاماتقا اسىپ كەتتى. تاعى 30 ميلليون ادام قۇجاتتارى جوق جانە جۇمىسسىز بولعاندىقتان ستاتيستيكاعا ىلىنبەي قالعان.
ءبىراق، باعدارلامانىڭ جاعىمسىز تۇستارى دا بولدى: ەلدە گەندەرلىك تەڭگەرىمسىزدىك جانە حالىقتىڭ قارتايۋى ارتىپ بارادى. سونىمەن قاتار كوپتەگەن قىتايلار ۇل بالا ومىرگە كەلسە عانا ونى امان الىپ قالاتىن سەلەكتسيا جۇرگىزەدى.
2015-جىلدىڭ 29- قازانىنان باستاپ ەل ازاماتتارىنىڭ ەكى بالالى بولۋىنا رۇقسات بەرىلدى.
