ۇلتتىق عىلىم اكادەمياسىنىڭ اكادەميگى سەرىك قيرابايەۆ - 90 جاستا
قوس تۇلعانىڭ ءومىرى بۇگىنگى تولقىنعا ۇلگى، ونەگە. استاناداعى ەۋرازيا ۇلتتىق ۋنيۆەرسيتەتىندە اكادەميكتەردىڭ مەرەيتويىنا وراي عىلىمي ءداستۇر ساباقتاستىعىن دارىپتەيتىن كونفەرەنسيا ءوتتى.
ەرلى زايىپتى، قوس عالىم عىلىمدا عانا ەمەس، ۇزاق جىلدار بويى ءبىلىم بەرۋ سالاسىندا دا قاتار كەلەدى. «عالىمنىڭ حاتى ولمەيدى». ادەبيەت، عىلىم سالاسىندا توگىلگەن تەر، جارىققا شىققان ەڭبەكتەرى قازىرگى بۋىنعا جول باستار تەمىرقازىق ىسپەتتەس. جيىنعا قاتىسۋشىلار ءبىر اۋىزدان ولاردىڭ ءجۇرىپ وتكەن جولى بۇگىندە «دانالىق داڭعىلىنا» اينالعانىن ايتتى.
تورقالى تويعا سەنات ءتوراعاسى قاسىم- جومارت توقايەۆ، ۇكىمەت باسشىسى باقىتجان ساعىنتايەۆ ءوز قۇتتىقتاۋلارىن جولدادى.
سەرىك قيرابايەۆ، ق ر ۇلتتىق عىلىم اكادەمياسىنىڭ اكادەميگى:
- وزىڭە- ءوزىڭ قويعان تاپسىرمالارىڭ بار. سونىڭ بارلىعىن بيىك تالاپپەنەن ىستەۋ كەرەك. ادام وسىلاي جەتىلەدى. ومىرلىك سالتىما بەرىكپىن. ءوزىمنىڭ سەنىمىمە بەرىكپىن. وتىرىك ايتۋ دەگەندى بىلمەيمىن. كەشىگۋ دەگەندى بىلمەيمىن.
ءاليا بەيسەنوۆا، ق ر ەڭبەك سىڭىرگەن قايراتكەرى:
- قازاقستاننىڭ گۇلدەنۋى ماڭگى ەل بولىپ، جاستاردىڭ ويىنا وي سالىپ، جاستار ءارى قاراي وسى قازاق ەلىن الىپ كەتىپ، ارى قاراي كوركەيتۋگە تىلەيمىن.
www.24.kz
