قازاقستاننىڭ سوت ساراپتاماسى شەشىمدەرى الەمنىڭ 90 مەملەكەتىندە مويىندالادى

بۇل تۋرالى ق ر ادىلەت مينيسترلىگى سوت ساراپتاماسى ورتالىعىنىڭ ديرەكتورى يسيدور بورچاشۆيلي ءمالىم ەتتى.
ايتا كەتەيىك، بۇگىن ءبىرقاتار ءماجىلىس دەپۋتاتى اتالمىش ورتالىقتىڭ جۇمىسىمەن تانىستى.
«بىزگە حالىقارالىق دەڭگەيگە شىعۋ كەرەك، ال ول ءۇشىن اككرەديتاتسيادان ءوتۋىمىز شارت. ءبىزدىڭ ەلدە قانشالىقتى مىقتى ماماندار بارىن دالەلدەۋگە ءتيىسپىز. ءبىر ايتا كەتەتىن جايت - استاناداعى سوت ساراپتاماسى ورتالىعى بىلتىر اككرەديتاتسيادان ءساتتى ءوتتى. ەندى بيىل كەڭەيۋدەمىز، وبلىستار بويىنشا دا وسىنداي اككرەديتاتسيادان وتەتىن بولامىز. بۇل - قازاقستاننىڭ سوت ساراپتاماسى ماماندارىنىڭ شىعارعان شەشىمدەرى، دالەلدەمە بازا رەتىندە الەمنىڭ 90 نان استام مەملەكەتىندە مويىندالادى دەگەن ءسوز»، - دەدى بورچاشۆيلي.
ورتالىق اقمولا، الماتى، شىعىس قازاقستان جانە قاراعاندى وبلىستارىندا ورنالاسقان زەرتحانالارعا ساپا ستاندارتتارىن ەنگىزۋدى مەجەلەنىپ وتىر.
كەزدەسۋ بارىسىندا پارلامەنتپەن قابىلدانعان جاڭا زاڭنامالىق اكتىلەردىڭ ءبىرقاتار قاعيداتتارى تالقىعا سالىندى. ءماجىلىس دەپۋتاتى سۆەتلانا بىچكوۆا پارلامەنت قابىرعاسىندا قارالىپ جاتقان «ق ر- داعى سوت-ساراپتاما قىزمەتى تۋرالى» زاڭ جوباسىنىڭ جاڭاشىلدىقتارىمەن تانىستىرىپ ءوتتى. ونىڭ ەڭ باستى جاڭالىعى - ەلدەگى ساراپشىلىق فۋنكتسيالاردى ءبىر مەملەكەتتىك ورگاننىڭ ىشىندە ورتالىقتاندىرۋ جوسپارى. زاڭ جوباسى بويىنشا، ەلدە جەكەمەنشىك سوت ساراپشىلارى ينستيتۋتىن دامىتۋ، سوت ساراپشىلارى پالاتاسىن قۇرۋ كوزدەلگەن.
اۆتور: جاسۇلان جولدىبايەۆ