09:04, 02 - قازان 2016 | GMT +5
تۇركيا بيلىگى ەلدەگى توتەنشە جاعدايدى تاعى 90 كۇنگە ۇزارتتى
استانا. قازاقپارات - تۇركيا بيلىگى ەلدەگى توڭكەرىستەن كەيىن ەنگىزىلگەن توتەنشە جاعدايدى تاعى 90 كۇنگە ۇزارتۋ تۋرالى شەشىم قابىلدادى،
دەپ جازادى «حابار 24» ت ا س س- قا سىلتەمەمەن.
تۇركيا پرەمەر- ءمينيسترى نۋمان كۋرتۋلمۋش مالىمدەۋىنشە: تۇركيادا توتەنشە جاعداي 15 - شىلدە كۇنى بولعان اسكەري توڭكەرىستەن كەيىن 21 - شىلدەدە ءۇش اي مەرزىمگە ەنگىزىلگەن بولاتىن. تۇركيا بيلىگى توڭكەرىستى ا ق ش- تا تۇرىپ جاتقان فەتحۋللاح گيۋلەن ۇيىمداستىردى دەپ ايىپتاپ وتىر.
ەسكە سالا كەتەيىك، تۇركيادا 16 - شىلدەگە قاراعان ءتۇنى قارۋلى كۇشتەردىڭ ساربازدارى مەن وفيتسەرلەرى بۇلىك شىعاردى. نەگىزگى قاقتىعىستار انكارا مەن ىستامبۇلدا بولىپ، 246 ادام قازا بولدى. تاعى ەكى مىڭنان استام ادام جاراقات الدى.
