21:15, 29 - قىركۇيەك 2016 | GMT +5
قازاقستانداعى شەتەل جۇمىس كۇشىنىڭ 90 پايىزدان استامى وزبەكستاننان كەلەدى
استانا. قازاقپارات - ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ قازاقستاندىقتار كوبىنەسە قاي ەلدىڭ ازاماتتارىن جۇمىسقا تارتاتىنىن ايتىپ بەردى.
«2013 -جىلى بىزدە ءتيىستى زاڭناما قابىلدانىپ، وعان سايكەس كورشىلەس ەلدەردەن قازاقستانعا جۇمىسقا كەلەتىن ازاماتتار 2 ك كولەمىندە پاتەنت تولەۋى ءتيىس، ياعني ونىڭ سوماسى 4200 تەڭگە. تەك سودان كەيىن عانا ولار رەسمي تۇردە جۇمىسقا جۇمىلدىرىلادى. اتاپ ايتقاندا، ولاردى زاڭدى تۇلعالار ەمەس، جەكە ادامدار تارتادى»، - دەدى ب. نۇرىمبەتوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، 2014 -جىلى جەكە ادامدار جۇمىسقا 75 مىڭ ادامدى تارتسا، بىلتىر بۇل كورسەتكىش 145 مىڭ ادامعا جەتتى.
«ق ر ءى ءى م مالىمەتىنە سۇيەنسەك، جۇمىسقا كەلگەن شەتەلدىكتەردىڭ ىشىندە 93 پايىزى وزبەكستان ازاماتتارى. ياعني بۇل ادامدار ەڭبەك ميگرانتتارى رەتىندە قازاقستاندا رەسمي تۇردە جۇمىس ىستەۋدە»، - دەپ ءتۇيدى ب. نۇرىمبەتوۆ.
