14:42, 16 - شىلدە 2016 | GMT +6
تۇركياداعى قاقتىعىس سالدارىنان قازا تاپقاندار سانى 90 ادامعا جەتتى
استانا. قازاقپارات - تۇركياداعى مەملەكەتتىك توڭكەرىس كەزىندە قازا تاپقانداردىڭ سانى 90 ادامعا جەتتى.
Anadolu اگەنتتىگى حابارلاعانداي، تۇركياداعى مەملەكەتتىك توڭكەرىس كەزىندە 90 ادام قازا تاپتى، 1154 ءتۇرلى جاراقات الدى.
وسىعان دەيىن تۇركيالىق پوليتسيا باسشىلىعى انكارادا اسكەري پوليتسيانىڭ شتاب-پاتەرىن باسىپ الۋ ارەكەتىندە 16 ادام قازا تاپقانى تۋرالى حابارلاعان.
قازا تاپقانداردىڭ ىشىندە توڭكەرىسكە قاتىسقان ءبىر گەنەرال بار، دەپ جازادى ر ب ك.
وسىعان دەيىن بيلىك مەملەكەتتىك توڭكەرىسكە قاتىسقان 1563 اسكەري ۇستالعانىن حابارلادى. ولاردىڭ ىشىندە انكاراداعى باس شتاب عيماراتىن باقىلاعان 200 سارباز، ىستامبۇلدا بوسفور ارقىلى وتەتىن كوپىردى جاپقان 50 اسكەري بار.