قازاقستاندا 90 مىڭنان استام مەملەكەتتىك قىزمەتكەر بار - ت. دوناقوۆ
بۇل تۋرالى بۇگىن قوعامدىق كەڭەس وتىرىسىنىڭ بارىسىندا ق ر مەملەكەتتىك قىزمەت ىستەرى ءمينيسترى تالعات دوناقوۆ مالىمدەدى.
ءمينيستردىڭ اتاپ وتۋىنشە، قازاقستانداعى مەملەكەتتىك قىزمەتكەرلەردىڭ جالپى شتاتتىق سانى 99 مىڭعا جۋىق ادامدى قۇرايدى، سونىڭ ىشىندە مەملەكەتتىك قىزمەتكەرلەردىڭ سانى - 98 464 ادام، سونىڭ ىشىندە «ب» اتقارۋشى كورپۋسىندا - 97971 ادام، «ا» باسقارۋشى كورپۋسىندا - 493 ادام جانە ساياسي مەملەكەتتىك قىزمەتكەرلەر كورپۋسىندا - 422 ادام.
«وسىلايشا، مەملەكەتتىك اپپاراتتاعى بوس جۇمىس ورىنداردى ەسەپكە الا وتىرعاندا، بۇل شامامەن 7,6 پايىز - ق ر مەملەكەتتىك اپپاراتىنىڭ سانى 91 مىڭنان استام ادامدى قۇراپ وتىر»، - دەپ ناقتىلادى ت. دوناقوۆ.
ونىڭ ايتۋىنشا، اكىمشىلىك قىزمەتتەردىڭ ساياسي قىزمەتتەرمەن سالىستىرعاندا باسىمدىعى «ا» كورپۋسىنىڭ ەرەكشە دارەجەسىمەن بىرگە ەىدۇ- نىڭ كەڭەستەرىنە سايكەس كەلىپ، مەملەكەتتىك اپپاراتتىڭ اۆتونومدىعى جانە تۇراقتىلىعىنا سەپتىگىن تيگىزەدى.
