گولوۆكين - الۆارەس جەكپە- جەگى 90 مىڭ ورىندىق ارەنادا ءوتۋى مۇمكىن
بۇعان دەيىن حابارلاعانىمىزداي، WBC ۇيىمى بوكسشىلار ءوزارا كەزدەسكەنگە دەيىن چەمپيوندىق بەلبەۋلەرىن ەرىكتى تۇردە قورعاۋعا مۇمكىندىك بەرگەن بولاتىن. سونان سوڭ مامىردىڭ سوڭىنا تامان قوس كوماندانىڭ پروموۋتەرى گولوۆكين - الۆارەس جەكپە- جەگىنىڭ ناقتى قاي كۇنى وتەتىنىن مالىمدەيدى.
وتانداسىمىز TMZ باسىلىمىنا بەرگەن سۇحباتىندا «كانەلوعا» قارسى جەكپە- جەك وتەتىن كۇندى اسىعا كۇتىپ ءجۇرمىن» دەگەن بولاتىن. قازىر ەكى كوماندا وكىلدەرى ءوزارا كەزدەسۋ وتكىزۋ تۋرالى كەلىسىمگە كەلە الدى.
«جەكپە- جەك 2016 -جىلدىڭ ەكىنشى جارتىسىندا ءوتۋى ءتيىس. بۇل كەزدەسۋ كەلەر جىلدىڭ باستى وقيعاسى بولماق. سوندىقتان ا ق ش- تاعى ەڭ ۇلكەن ارەنالاردىڭ ءبىرىن تاڭداپ وتىرمىز» ، - دەيدى گولوۆكين كومانداسىنىڭ وكىلى.
قازىر كەزدەسۋدى وتكىزەتىن ورىن رەتىندە داللاستاعى 90 مىڭ ادامعا شاقتالعان ارەنا مەن نيۋ- يوركتەگى Madisson Square Garden ارەنا تاڭدالماق. ەكى كوماندانىڭ وكىلدەرى دە داللاستاعى الىپ ارەناعا توقتالىپ وتىر.
