شىعىس قازاقستاندا 90 ميلليون تەڭگەنى قولدى قىلعان ۇرىلار اقشانىڭ جارتىسىن تاكسيدە ۇمىتىپ كەتتى
پورتالدىڭ مالىمەتىنشە، 90 ميلليون تەڭگەنى بۇرىن سوتتالعان جىگىتتەر قولدى قىلعان. كۇدىكتىلەر اقشانىڭ جارتىسىن ءوز كەرەكتەرىنە جۇمساپ، ەكى ميلليون رۋبلگە جۋىق اقشانى تانىس قىزعا سىيلاعان، ال قالعان اقشانى تاكسيدە ۇمىتىپ كەتىپتى.
"26-تامىزدا پوليتسياعا بەرەزوۆكا اۋىلىنىڭ تۇرعىنى ارىزداندى، ول جەرگىلىكتى شارۋا قوجالىعىنىڭ يەسى. ايەل ۇيىنەن اقشا مەن باعالى زاتتاردىڭ ۇرلانعانىن ايتقان. 155 مىڭ ەۆرو، 150 مىڭ دوللار، ءۇش ميلليون رۋبل، سونىمەن قاتار، شامامەن جارتى ميلليون تەڭگە تۇراتىن التىن بۇيىمدار ۇرلانعان»، - دەلىنگەن جاريالانىمدا.
پوليتسەيلەر كۇدىكتىلەردى بۇرىن سوتتالعانداردىڭ اراسىنان ىزدەپ، بەسىنشى تاۋلىكتە ەكى جىگىتتى ۇستادى، ولار ءوز كىنالارىن مويىندادى. ولاردىڭ ءبىرى - 25، ەكىنشىسى 30 جاستا. ءبىرىنشىسى قاراقشىلىق ءۇشىن، ال ەكىنشىسى ۇرلىق ءۇشىن سوتتالعان. سونىمەن قاتار، ولاردىڭ ءبىرىنىڭ وسىدان ءبىر جارىم اي بۇرىن عانا تۇرمەدەن شىققانى انىقتالدى.
اقپارات قۇرالىنىڭ مالىمەتىنە قاراعاندا، پوليتسەيلەر قولدى بولعان قارجىنىڭ 80 پايىزىن عانا تاركىلەگەن. جىگىتتەر قالعان سوماعا قىمبات تەحنيكا، كيىم- كەشەك پەن ىشىمدىك ساتىپ الىپتى. سونىمەن قاتار، تانىستارىنا تاراتقان، اسىرەسە قىزدارعا مۇنداي سىيدى ءجيى جاساعان كورىنەدى. كۇدىكتىلەردىڭ تانىسى 1 ميلليون 700 مىڭ رۋبلدى پوليتسەيلەرگە ءوز ەركىمەن تاپسىردى. ودان بولەك، جەرگىلىكتى تاكسي جۇرگىزۋشىسى كولىكتە قالىپ قالعان 105 مىڭ ەۆرو مەن 40 مىڭ دوللاردى پوليتسەيلەرگە اكەلىپ بەردى.
ايتا كەتەيىك، بۇل دەرەككە قاتىستى قىلمىستىق ءىس قوزعالدى، كۇدىكتىلەر اۋداندىق ءى ءى ب- نىڭ ۋاقىتشا ۇستاۋ يزولياتورىندا وتىر. ءتارتىپ ساقشىلارى ولاردىڭ باسقا قىلمىستارعا قاتىستارىنىڭ بار- جوعىن انىقتاپ جاتىر.