جوڭعار الاتاۋىندا ەكوجوبا اۋقىمىندا قار قابىلانىن سۋرەتكە ءتۇسىرۋ ءۇشىن 90 نان استام فوتوقاقپان قويادى - فوتو
بۇل تۋرالى كەشە الماتىدا «قازاقستاننىڭ ۇلتتىق سيمۆولى رەتىندە قار قابىلانىن ساقتاۋ جوباسىنداعى ىنتىماقتاستىق تۋرالى Carlsberg Kazakhstan كومپانياسى مەن قازاقستاندىق بيوالۋاندىقتى ساقتاۋ قاۋىمداستىعىنىڭ اراسىنداعى كەلىسىمگە قول قويۋ بارىسىندا وسى قوعامدىق ۇيىم كەڭەسىنىڭ ءتورايىمى ۆەرا ۆورونوۆا ايتتى.
ول قار قابىلانى (ءىلبىس) قازاقستاندىق قانا ەمەس، حالىقارالىق قىزىل كىتاپقا ەنگىزىلگەنىن ەسكە سالدى. ونىڭ ۇستىنە 2015 - جىل قار قابىلانى جىلى بولىپ جاريالانعان.
ىنتىماقتاستىق ەكى باعىتتا - عىلىمي جانە الەۋمەتتىك سالادا جۇرگىزىلەدى. ءبىرىنشى جاعىنان، قازاقستاندا قار قابىلانىنىڭ ءوسىپ- ءونۋىنىڭ جاي- كۇيى زەرتتەلەدى، وسى ءتۇردى ساقتاۋ جونىندەگى ناقتى ۇسىنىستار مەن ۇسىنبالاردى ازىرلەۋ ماقساتىندا ونىڭ سانىنا مونيتورينگ جۇرگىزىلەدى. ەكىنشى جاعىنان - حالىقتى ەكولوگيالىق اعارتۋ اقپاراتتىق ناۋقانى جاسالىپ جۇزەگە اسىرىلادى. بۇل قازاقستاننىڭ سيمۆولى رەتىندە ءىلبىستىڭ وڭ بەينەسىن جاساۋ، قار قابىلانىنا قۇرمەتپەن قاراۋ جانە ولاردى ساقتاۋعا باعىتتالعان ۇلتىق سالت- داستۇرلەردى ناسيحاتتاۋ، براكونەرلىككە ءتوزىمسىزدىق قاتىناستارىن قالىپتاستىرۋ.
جوبانى ق ر ا ش م ورمان شارۋاشىلىعى جانە جانۋارلار دۇنيەسى كوميتەتى، «ەكو- التاي» ەكولوگيالىق ۇيىمى، تانىمال اكتەر ماكسيم اكباروۆ قولدادى.
جوبانىڭ ءبىرىنشى كەزەڭى بارىسىندا جوڭعار الاتاۋىنا - ق ر- داعى قار قابىلانى تىرشىلىك ەتەتىن كوپ زەرتتەلمەگەن وڭىرلەرگە ءبىرقاتار ەكسپەديتسيالار ۇيىمداستىرىلادى. ءۇش رەت جاسالاتىن ەكسپەديتسيا كەزىندە 90 نان استام فوتوقاقپان قويىلادى جانە ولاردىڭ سانىنىڭ سەرپىنىنە تابيعي جانە ادامي فاكتورلاردىڭ اسەرى زەرتتەلەدى جانە قار قابىلانى تىرشىلىك ەتەتىن جەرلەردىڭ قىسقارۋى جانە وزگەرۋى تالدانادى. سونداي- اق قار قابىلانىنىڭ جەم-ءشوپ بازاسى جانە تاماقتانۋىنىڭ جاي- كۇيى زەردەلەنەدى.
