اقتوبە وبلىسىندا ءاليا مولداعۇلوۆانىڭ 90 جىلدىعىن مەرەكەلەۋگە دايىندالىپ جاتىر
مەرەكەلەۋدىڭ ءبىرىنشى كۇنىندە ءاليانىڭ شاعىن وتانى - قوبدا اۋدانىنداعى بۇلاق اۋىلىندا ميتينگ پەن وعان ارنالعان ەسكەرتكىشكە گۇل شوقتارىن قويۋ شاراسى بولىپ وتەدى. سونداي- اق وسىنداي شارالار وبلىس ورتالىعىنداعى «ءاليا» مەموريالدىق كەشەنى مەن ءاليا مولداعۇلوۆا ءمۇسىنىنىڭ قاسىندا وتەدى، سونداي-اق كەڭەس وداعىنىڭ باتىرى ءاليا مولداعۇلوۆانىڭ مەموريالدىق مۇراجايىندا «ماڭگىلىك عۇمىر» اتتى سالتاناتتى شارا وتكىزىلمەك.
قازاق حالقىنىڭ سۇيىكتى قىزىنىڭ 90 جىلدىعىنىڭ قۇرمەتىنە اقتوبەدە «ءاليا گۇلى» دوستارىن شاقىرادى» اتتى بالالار مەن جاسوسپىرىمدەر شىعارماشىلىعىنىڭ VI حالىقارالىق فەستيۆالى مەن «جەرىم مەنىڭ» اتتى رەسپۋبليكالىق پاتريوتتىق اندەر بايقاۋى اشىلادى.
شارالاردى وتكىزۋدىڭ سوڭعى كۇنىندە قوبدا اۋدانىندا تەاترلاندىرىلعان كورىنىس پەن «ءاليا - قاھارماندىق داستانى» اتاۋىمەن قازاقستاندىق ەسترادا جۇلدىزدارىنىڭ كونتسەرتى بولىپ وتەدى. اۋدان ورتالىعىنىڭ ستاديونىندا «ءاليا گۇلى» دوستارىن شاقىرادى» اتتى بالالار مەن جاسوسپىرىمدەر شىعارماشىلىعىنىڭ VI حالىقارالىق فەستيۆالىنە قاتىسۋشىلاردىڭ گالا- كونتسەرتى، ال قوبدا اۋىلىنىڭ شەتىندەگى ەتنواۋىلدا - «جەرىم مەنىڭ» رەسپۋبليكالىق پاتريوتتىق اندەر بايقاۋى لاۋرەاتتارىنىڭ گالا- كونسەرتى، ات سپورتى جارىستارى جانە ۇلتتىق ويىندار وتكىزىلمەك.