تبيليسيدەگى حالىقارالىق وليمپياداعا 90 قازاقستاندىق وقۋشى اتتاندى
دارىندى جاستار جاڭا تەحنولوگيانى وندىرىستە جانە تۇرمىستا قولدانۋدىڭ تيىمدىلىگى جونىندەگى جوبالارىن ۇسىنىپ جاتىر. وليمپياداعا كەلگەن ءار وقۋشى وبلىستىق جانە رەسپۋبليكالىق ىرىكتەۋ كەزەڭدەرىنەن سۇرىنبەي وتكەن جەڭىمپازدار. تاڭداۋ كوميسسياسى تاراپىنان جاسالعان ەسكەرتۋلەر مەن قوسىمشا باعىتتاردى ەنگىزىپ، تۇزەتۋگە 3 اي ۋاقىت بەرىلگەن. جاستار شەشۋشى كەزەڭدە ءوز جوبالارىن ۇزدىك قورعاپ شىعۋى ءتيىس.
«قازاقستاندىق كوماندا بۇل وليمپياداعا 7-رەت قاتىسىپ وتىر.
سىزدەردە ماتەماتيكا جانە بيولوگيا بويىنشا مىقتى جوبالار بار. قازاقستاندىق ورەندەر ىزدەنىمپازدىعىمەن جانە جاڭاشىلدىعىمەن ەرەكشەلەنەدى»، - ۇيىمداستىرۋ كوميتەتىنىڭ ءتوراعاسى مۇستافا چابۋك.
شىمكەنتتەگى ليتسەي وقۋشىلارىنىڭ عىلىمي جوباسى قازىلار القاسىنىڭ قىزىعۋشىلىعىن تۋعىزدى. جاس عالىمدار سۋدى اۋىر مەتالداردان تازارتاتىن گيدروتسيكلوندىق قۇرىلعى قۇراستىرىپ شىعارعان.
«بادام وزەنى ادام اعزاسىنا زياندى اۋىر مەتالدارمەن بايىتىلعان. اسىرەسە قورعاسىن. مىسالى، شىمكەنتتەگى سول وزەننىڭ ءوزى عانا ەمەس، جاعالاۋى مەن اۋاسى دا لاستانعان. تەك قانا وزەن سۋىن ەمەس، ۇيدەگى اۋىزسۋدى دا تازارتۋ ءۇشىن گيدروتسيكلون قوندىرعىسىن قازاقستاننىڭ بارلىق وڭىرىندە قولدانۋدى ۇسىنامىز»، - دەدى وليمپياداعا قاتىسۋشى: ايليانۇر ابدۋللايەۆا.
100 جوبانىڭ 30 ىن قازاقستاندىق وقۋشىلار ۇسىنىپ وتىر. ال جەڭىمپازدارعا حالىقارالىق وليمپياداعا قاتىسۋشى مەملەكەتتەردىڭ جوعارى وقۋ ورىندارىنا گرانت بەرىلەدى.
