حالىق جازۋشىسى ءابدىجامىل نۇرپەيىسوۆتىڭ 90 جاسقا تولۋىنا وراي وتكىزىلەتىن شارالار بارىسى تالقىلاندى

قىزىلوردا. قازاقپارات - حالىق جازۋشىسى، مەملەكەتتىك سىيلىقتىڭ لاۋرەاتى ءابدىجامىل نۇرپەيىسوۆتىڭ 90 جاسقا تولۋ مەرەيتويىنا وراي وتكىزىلەتىن شارالار جىل سوڭىنا دەيىن جالعاسادى.

 بۇل تۋرالى جۋرناليستەرگە ارنالعان باسپا ءسوز ءماسليحاتىندا وبلىستىق ىشكى ساياسات باسقارماسىنىڭ باسشىسى رۋسلان رۇستەموۆ ايتتى.

«سىر توپىراعىندا قازاقتىڭ ادەبيەتىنە، مادەنيەتىنە، رۋحانياتىنا ۇلكەن ۇلەس قوسقان قالامگەرلەر مەن قايراتكەرلەر كوپتەپ سانالادى. سولاردىڭ قاتارىندا الەمدىك اقىل- ويدىڭ قازىناسىنا ولشەۋسىز ۇلەس قوسقان قابىرعالى قالامگەر ءابدىجامىل نۇرپەيىسوۆتىڭ شىعارماشىلىعىن ناسيحاتتاۋ - بۇگىنگى ۇرپاقتىڭ مەرەيلى مىندەتى. وسى ورايدا وبلىس اكىمىنىڭ باستاماسىمەن جازۋشى شىعارماشىلىعىن  ناسيحاتتاۋعا ارنالعان شارالاردىڭ تۇجىرىمداماسى ازىرلەندى» ، - دەدى باسقارما باسشىسى.

بەكىتىلگەن ءىس- شارالار جوسپارىنا سايكەس قازان ايىنان باستاپ ءا. نۇرپەيىسوۆ شىعارماشىلىعىنا ارنالعان تاقىرىپتىق وقۋلار، كىتاپ وقىرماندارىنىڭ كونفەرەنسياسى، جاستار اراسىندا «ءتىلدارىن» وليمپياداسى وتەدى. ستۋدەنتتەرگە ارنالعان ادىستەمەلىك قۇرال وقۋ ورىندارىنا تاراتىلادى. بۇل شارالار قالامگەر شىعارماشىلىعىنىڭ الەمدىك ادەبيەتكە قوسقان ۇلەسىن باعامداۋعا، ناسيحاتتاۋعا  باعىتتالعان.

ءبىلىم بەرۋ مەكەمەلەرىندە جازۋشى شىعارماشىلىعى جايىندا اشىق ساباقتار، شىعارمالار بايقاۋى ۇيىمداستىرىلادى. وقىرمان ساعاتتارى مەن مۇراجايلارداعى تاقىرىپتىق كورمەلەر تۋعان جەرىنىڭ تابيعاتى مەن جەرلەستەرىنىڭ تىنىس- تىرشىلىگىن ءوز تۋىندىلارىنا ارقاۋ ەتكەن قالامگەرگە ارنالماق.

سونىمەن بىرگە مەرەيتويلىق باعدارلاما اياسىندا «ابە» فوتو البومى دايىندالۋدا. وندا جازۋشى ءومىرى مەن شىعارماشىلىعىنىڭ ءارتۇرلى كەزەڭدەرىنەن فوتوسۋرەتتەر توپتاستىرىلماق. الداعى ۋاقىتتا فوتو البومنىڭ تۇساۋكەسەرى سالتاناتتى تۇردە وتكىزىلەتىن بولادى.

اۆتور:   ەلۋباي اۋەزوۆ