10:55, 31 - شىلدە 2014 | GMT +5
قازاق-قىتاي شەكاراسىنان 90 ۇيالى تەلەفوندى زاڭسىز الىپ وتپەك بولعان ازامات ۇستالدى
استانا. قازاقپارات - قازاق-قىتاي شەكاراسىندا ورنالاسقان شەكارالىق ىنتىماقتاستىقتىڭ حالىقارالىق «قورعاس» ورتالىعىندا (الماتى وبلىسى) جۇكتەرىن كەدەندىك جانە شەكارالىق بەكەتتەردەن جاسىرىپ، زاڭسىز تۇردە الىپ وتۋگە تىرىسقان ەلىمىزدىڭ 30 جاستاعى ازاماتى ۇستالدى.
بۇل تۋرالى ق ر ۇلتتىق قاۋىپسىزدىك كوميتەتى شەكارا قىزمەتىنەن حابارلادى.
ونىڭ قول جۇكتەرىن تەكسەرۋ كەزىندە 90 دانا ۇيالى تەلەفون تابىلدى.
قازىرگى ۋاقىتتا اتالعان دەرەك بويىنشا تەكسەرۋ جۇمىستارى جۇرگىزىلۋدە.
