قازاقستاندا جاڭا جىل قارساڭىندا 909 ءسابي دۇنيەگە كەلدى

استانا. قازاقپارات - جەدەل اقپارات بويىنشا قازاقستاندا 2015 -جىلعى 31 -جەلتوقساندا 909 ءسابي دۇنيەگە كەلدى، دەپ حابارلايدى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتىنەن.

جاڭا تۋعان نارەستەلەر سانى جاعىنان ءبىرىنشى ورىندا وڭتۇستىك قازاقستان وبلىسى تۇر. مۇندا جىلدىڭ ەڭ سوڭعى كۇنى 235 بالا دۇنيە ەسىگىن اشتى. ودان كەيىنگى ورىنداردا تۇرعان الماتى وبلىسىندا - 106، الماتى قالاسىندا - 83، استانا قالاسىندا - 74، جامبىل وبلىسىندا - 72 بالا دۇنيەگە كەلدى.

ايتا كەتۋ كەرەك، قازاقستاندا 2014 -جىلدىڭ 31 -جەلتوقسانىندا 820 ءسابي دۇنيەگە كەلگەن.