سولتۇستىك قازاقستاندا 900 ميلليون تەڭگەگە جاڭا ەلەكتر جەتكىزۋ جەلىسى سالىنىپ جاتىر
«سيەۆكازەنەرگو» ا ق باسپا ءسوز قىزمەتىنىڭ مالىمەتىنشە، «نوۆوميحايلوۆكا- ليتەينايا» دەپ اتالاتىن جاڭا جوبا مامليۋت جانە جامبىل اۋداندارىن ەلەكترمەن جابدىقتاۋدى جاقسارتادى. ونى جۇزەگە اسىرۋعا كومپانيا 900 ميلليون تەڭگە جۇمساماق.
ءىرى قۇرىلىس اۋداننىڭ اۋىل شارۋاشىلىعى قۇرىلىمدارىنا قاجەت قوسىمشا ەنەرگيا قۋاتىن بەرۋ ارقىلى سولتۇستىك ءوڭىردىڭ بيزنەستىڭ الەۋەتىن جاقسارتادى. سونداي- اق 20 ەلدى مەكەندە دە ەلەكتر قۋاتىنىڭ ساپاسى جاقسارادى.
«نوۆوميحايلوۆكا- ليتەينايا» جوباسى 52 شاقىرىمعا سوزىلادى، جۇمىس بارىسىندا ءارقايسىسى 7 توننالىق، بيىكتىگى 26 مەتر بولاتىن 300 مەتالل تىرەۋىش قويىلادى. مامانداردىڭ ايتۋىنشا، جۇمىس وڭاي ەمەس، سوڭعى رەت مۇنداي جوبا وبلىستا 30 جىل بۇرىن اتقارىلعان. بۇگىنگى قۇرىلىسشىلار جاڭا ماتەريالدار قولدانۋدا. تىرەۋىشتەرگە بۇرىنعىداي اعاش ەمەس، بەتون جانە تەمىر الىنعان، ياعني دالا- ورمان ءورتى شىقسا، ولارعا ەشتەڭە بولمايدى. دايىن بەتون كولىكپەن اكەلىنسە، مەتال تىرەۋىشتەر سول جەردە قۇراستىرىلادى.
«تىرەۋىشتەردى ورناتۋمەن 4 مونتاجداۋشى جانە كوتەرگىش كران جۇمىس ىستەپ جاتىر. تەحنيكانىڭ مىندەتى - دايىن تىرەكتىڭ جوعارعى بولىگىن ۇستاپ، الدىن- الا دايىندالعان ىرگەتاستىڭ ۇستىنە كوتەرۋ. 3 مەتر تەرەڭدىككە تىرەۋ ءۇشىن الدىن- الا بەكىتكىشتەر قازىلىپ، ورناتىلدى. ءبىر تىرەۋىشتى قويۋعا ەكى ساعات ۋاقىت جۇمسالادى. جۇمىس تەحنيكالىق جوباعا سايكەس جۇرگىزىلىپ جاتىر»، - دەيدى «سيەۆەرو- كازاحستانسكايا ر ە ك» ا ق باس ينجەنەرى ۆيتالي فەسكو.
جوبانى «ا س ب ەلەكترومونتاج» ج ش س تاجىريبەلى مەردىگەرلەرى ىسكە اسىرۋدا. 15 ادامنان تۇراتىن بريگادا شاعىن توپتارعا بولىنگەن جانە ءارقايسىسىنىڭ ءوز مىندەتى بار.
بۇگىنگى تاڭدا جالپى جۇمىستىڭ %70 ورىندالدى. «نوۆوميحايلوۆكا» قوسالقى ستانتسياسىنان «لەدەنيەۆوعا» دەيىنگى جەلىنىڭ العاشقى 25 شاقىرىمى 2021 -جىلدىڭ باسىندا ورناتىلىپ، سىنالدى. 2022 -جىلدىڭ جەلتوقسانىندا ەنەرگەتيكتەر قۇرىلىستى تولىق اياقتاپ، ەلەكتر جەلىسىنە كەرنەۋ بەرۋدى جوسپارلاعان.
«جەلىنىڭ ءبىرىنشى بولىگى ورناتىلدى جانە وعان كەرنەۋ جىبەرىلدى. ول قازىر جۇمىستى اياقتاۋ ءۇشىن ۋاقىتشا وشىرىلگەن. جىل سوڭىنا دەيىن ءبىز جوبانى اياقتايمىز. قازىر 10 مەتالل تىرەكتەردى ورناتۋ قالدى. بەتون تىرەكتەر بارلىعى قويىلعان. ايازعا دەيىن تەحنيكا قاتىپ قالماس ءۇشىن جەرمەن جۇمىستاردى اياقتاماقپىز. ال سىمدى سۋىقتا دا تارتۋعا بولادى»، - دەيدى «ا س ب ەلەكترومونتاج» ج ش س ديرەكتورىنىڭ ورىنباسارى ۆيتالي پلاكسين.
