كيەۆ وبلىسىندا 900-دەن استام ادامنىڭ مۇردەسى تابىلدى

نۇر- سۇلتان. قازاقپارات - ۋكراينانىڭ رەسەي اسكەرى تاستاپ شىققان كيەۆ وبلىسىنان 900-دەن اسا بەيبىت تۇرعىننىڭ مۇردەسى تابىلدى. ولاردىڭ كوبى كوشەدە اتىلعان.
None
None

ءار جەرگە كومە سالعاندارى دا بار. بۇل تۋرالى وبلىس پوليتسياسىنىڭ باسشىسى مالىمدەدى. مارقۇمداردىڭ جارتىسى بۋچا قالاسىنىڭ تۇرعىنى. بۇل شاھاردا 400-دەن اسا ءمايىت تابىلدى. جەرگىلىكتى بيلىك قالا قازىر قاۋىپسىز دەيدى. ءبىراق شاھار توڭىرەگىندە مينالار كوپ ەكەنىن ەسكەرتىپ، تۇرعىندارعا ۇزاپ شىقپاۋدى ەسكەرتەدى.

اندرەي نەبىتوۆ، كيەۆ وبلىسى پوليتسياسىنىڭ باسشىسى:

- بەيبىت تۇرعىنداردىڭ كوبىسىنىڭ مۇردەسى بۋچا قالاسىنان تابىلدى. بۇل ونداعى اسكەردىڭ اسا قاتىگەزدىكپەن ارەكەت ەتكەنىن كورسەتەدى. شاھاردا ولىكتەردى جاپپاي كومگەن ەكى جەر انىقتالدى. ونىڭ بىرىنەن 40، ەكىنىشىسىنەن 57 ادامنىڭ دەنەسى شىقتى. تەكسەرىس مارقۇمداردىڭ كوبى سنايپەردىڭ نەمەسە وزگە ءبىر قارۋدىڭ وعىنان ولگەنىن كورسەتتى. ياعني جاۋلاۋ كەزىندە ادامدار كوشەدە جاپپاي اتىلعان.

www.24.kz


سوڭعى جاڭالىقتار