قازاقستاندا كارانتيندە 900 ادام جاتىر - دەنساۋلىق ساقتاۋ ءمينيسترى

«جالپى بىزدە 992 ادام كارانتيندە جاتىر. ونىڭ ىشىندە وقشاۋلانعاندار دا، ءۇي جاعدايىندا كارانتيندە جاتقاندار دا بار. 2 جانە 3 ساناتتار بويىنشا، ياعني تۇرعىلىقتى مەكەنجاي تۇرعىسىنان 7515 ادام باقىلاۋدا. جالپى 8 مىڭعا تارتا ادام دەنساۋلىق ساقتاۋ مينيسترلىگىنىڭ باقىلاۋىنا الىنعان»، - دەدى ەلجان ءبىرتانوۆ و ك ق- دا وتكەن باسپا ءسوز ءماسليحاتىندا.

ءمينيستردىڭ سوزىنە قاراعاندا، كارانتيندە جاتقانداردىڭ ىشىندە قازاقستان ازاماتتارى دا، شەتەلدىكتەر دە بار.

«اۋرۋ بەلگىلەرى بار جاعدايدا ولار اۋرۋحاناعا جاتقىزىلادى. بۇگىنگە دەيىن بىزدە 60 ادام اۋرۋحاناعا جاتقان. 18- ءى كەشە شىعىپ كەتتى. 42- ءسى قالدى. ولار زەرتتەۋدەن، دياگنوستيكادان وتۋدە. وسىعان دەيىن ايتقانىمداي، رەسەي جانە ق ح ر- دان ونەركاسىپتىك وندىرىستەن شىققان دياگنوستيكالىق تەستتەر اكەلىنگەن. د د س ۇ- دان دا قوسىمشا تەستتەر جەتكىزىلدى. ءبىز 1014 ادامدى تەكسەردىك. تەستتەردىڭ بىردە- بىرىندە كوروناۆيرۋس ينفەكسياسى انىقتالعان جوق»، - دەدى مينيستر.

اۆتور: ايان بەكەن ۇلى