10:36, 05 - ناۋرىز 2017 | GMT +5
استانادا بولعان اپات سالدارىنان 900 دەن استام پاتەر سۋسىز قالدى
استانا. قازاقپارات - ەلوردانىڭ «الماتى» اۋدانىندا تۇرعىن ءۇي كەشەندەرىنىڭ 11 بلوگى اپات سالدارىنان سۋسىز قالدى، دەپ حابارلايدى اۋدان اكىمى ادىلبەك سارسەمبايەۆ.
ونىڭ ايتۋىنشا، ديامەترى 500 م م بولاتىن ماگيسترالدىك سۋ قۇبىرى جارىلىپ، سالدارىنان قوبلاندى باتىر كوشەسىنىڭ بۋراباي كوشەسىمەن قيىلىسىن سۋ الدى.
«قازىرگى ساتتە سۋدى سورعىزۋعا 20 دان استام اسسەنيزاتورلىق كولىك جۇمىلدىرىلدى. تۇرعىن ءۇي كەشەندەرىنىڭ 11 بلوگىنا، ياعني 900 پاتەرگە سۋ بەرۋ توقتاتىلدى. بولجاممەن 3 ساعاتتا ءبارى قالپىنا كەلەدى. بارلىق قىزمەتتەر اپات ورنىندا جۇمىس ىستەۋدە. تۇسىنىستىكپەن قاراۋلارىڭىزدى سۇرايمىز جانە ۋاقىتشا ىڭعايسىزدىقتار ءۇشىن كەشىرىم سۇرايمىز»، - دەپ جازدى ءوزىنىڭ Facebook-تەگى پاراقشاسىندا سارسەمبايەۆ.
