جاپونيادا 90 جاستان اسقان تۇرعىنداردىڭ سانى 2 ميلليوننان استى
ەلدە قارتتاردى ارداقتاۋ كۇنى قارساڭىندا جاپونيا دەنساۋلىق ساقتاۋ، ەڭبەك جانە ءال-اۋقات مينيسترلىگى جىل سايىن جاريالاپ وتىراتىن جاپون قوعامىنىڭ جاس ەرەكشەلىكتەرى تۋرالى ستاتيستيكا وسىنى كورسەتەدى.
1980-جىلى بۇل كورسەتكىش 120 مىڭنىڭ اينالاسىندا ەدى. جاپون قوعامى بارعان سايىن قارتايۋ ۇستىندە ەكەنى ايتىلىپ وتىر. جاپون جاستارىنىڭ اراسىندا پەرزەنت ءسۇيۋ كورسەتكىشتەرى ازايىپ كەتكەن، باسىم كوپشىلىگى بالا تۋۋعا جاسى ۇلعايا كەلە شەشىم قابىلدايدى، ال مەديتسينا ساپاسى ۇدەمەلى ءوسىپ كەلەدى.
وسى فاكتورلاردىڭ ناتيجەسىندە ەلدەگى ءومىر ءسۇرۋ ۇزاقتىعى دا سوزىلۋدا. 65 جاستان اسقان تۇرعىنداردىڭ ۇلەسى ءوسۋىن جالعاستىرۋدا، بيىل بۇل كورسەتكىش %27,7 عا جەتكەن.
جاپونيادا ەگدە تارتقان ادامداردىڭ سانى 35,14 ميلليوننان كەم ەمەس. قازىرگى كەزدە جاپونيادا 65 تەن اسقان تۇرعىنداردىڭ ۇشتەن ءبىرى جۇمىس ىستەيدى.
