مەملەكەت ەسەبىنەن 9,8 ميلليوننان استام قازاقستاندىقتارعا مەديتسينالىق قىزمەت كورسەتىلەدى
بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى حابارلادى.
الەۋمەتتىك مەديتسينالىق ساقتاندىرۋ قورى (ءا م س ق) جارناسىن تولەۋدەن ازاماتتاردىڭ 15 ساناتى بوساتىلادى، ونىڭ ىشىندە 12 ءسى - حالىقتىڭ الەۋمەتتىك تۇرعىدان وسال توبى، سونىمەن قاتار، اسكەري قىزمەتكەرلەر، ارنايى مەملەكەتتىك جانە قۇقىق قورعاۋ ورگاندارىنىڭ جۇمىسكەرلەرى.
حالىقتىڭ الەۋمەتتىك تۇرعىدان وسال توبىنا:
- بالالار؛
- «التىن القا»، «كۇمىس القا» يەگەرلەرى، بۇرىن «باتىر انا» اتاعىن العاندار، سونىمەن قاتار I جانە II دارەجەلى «انالىق داڭق» وردەنىمەن ماراپاتتالعان كوپ بالالى انالار؛
- سوعىس ارداگەرلەرى مەن مۇگەدەكتەرى؛
- مۇگەدەكتەر؛
- جۇمىسسىز رەتىندە تىركەلگەن ازاماتتار؛
- ينتەرنات مەكەمەلەرىندە وقىتىلىپ، تاربيەلەنىپ جاتقان تۇلعالار؛
- تەحنيكالىق، كاسىپتىك، ورتا بىلىمنەن كەيىنگى جانە جوعارعى ءبىلىم بەرۋ ۇيىمدارىندا كۇندىزگى بولىمدەردە، سونىمەن قاتار رەزيدەنتۋرا فورماسىنداعى ج و و كەيىن ءبىلىم الىپ جاتقان تۇلعالار؛
- بالا تۋۋعا، بالا اسىراپ الۋعا، 3 جاسقا دەيىنگى بالا كۇتىمىنە بايلانىستى دەمالىستاعى تۇلعالار؛
- جۇمىس ىستەمەيتىن ەكىقابات ايەلدەر، ءىس جۇزىندە 3 جاسقا دەيىنگى بالانى تاربيەلەپ وتىرعان جۇمىسسىز ازاماتتار؛
- زەينەتكەرلەر؛
- ەڭ تومەنگى دەڭگەيدەگى قاۋىپسىزدىك مەكەمەلەرىن ەسەپتەمەگەندە سوت شەشىمىمەن ق ا ج مەكەمەلەرىندە ايىبىن وتەۋشىلەر؛
- ۋاقىتشا ۇستاۋ يزولياتورلارى مەن تەرگەۋ يزولياتورلارىنداعى ازاماتتار جاتادى.
ەستەرىڭىزگە سالا كەتەيىك، 2017 -جىلدىڭ 1 - قاڭتارىنان باستاپ مەملەكەت، جۇمىس بەرۋشىلەر، ءوزىن ءوزى جۇمىسپەن قامتىعان ازاماتتار ءا م س ق- عا جارنا تولەۋدى باستايدى.
ەرەكشە ساناتتاعى ازاماتتار ءۇشىن مەملەكەت تولەيتىن جارنانىڭ مولشەرلەمەسى ورتاشا ايلىق ەڭبەكاقىنىڭ 7 پايىزىن قۇرايدى. سونىمەن قاتار مولشەرلەمەنىڭ كولەمى 2017 -جىلى 4 پايىز، 2018 -جىلدان باستاپ 5 پايىزعا، 2023 - جىلدان 6 پايىزعا، 2024 -جىلدان 7 پايىزعا ساتىلاي وسەتىن بولادى.
جۇمىس بەرۋشىلەر جارناسى مولشەرلەمەسىنىڭ جالپى كولەمى كىرىستىڭ 5 پايىزىن قۇرايتىن بولادى. اۋدارىم 2017 -جىلى 2 پايىزدى، 2018 -جىلى 3 پايىزدى، 2019 - جىلى 4 پايىزدى، 2020 - جىلى 5 پايىزدى قۇرايتىن بولادى.
ءوزىن- ءوزى جۇمىسپەن قامتىعان ازاماتتار جارناسىنىڭ مولشەرلەمەسى (جەكە كاسىپكەرلەر، جەكە نوتاريۋستار، جەكە سوت ورىنداۋشىلارى، ادۆوكاتتار، كاسىبي مەدياتورلار، ازاماتتىق- قۇقىقتىق نەگىزدەگى كەلىسىم بويىنشا كىرىس تاباتىن جەكە تۇلعالار) ولاردىڭ كىرىسىنىڭ 7 پايىز قۇرايتىن بولادى. ول 2017 - جىلى 2 پايىز، 2018 -جىلى 3 پايىز، 2019 -جىلى 5 پايىز، 2020 -جىلدان باستاپ 7 پايىز بولادى.
جالدامالى جۇمىسشىلار جارنانى 2019 -جىلدان باستاپ 1 پايىز، 2020 -جىلدان 2 پايىزدىق مولشەردە تولەيتىن بولادى.
قور ارقىلى قارجىلاندىرۋ 2017 -جىلعى 1 - شىلدەدەن باستالادى.
