ەلىمىزدە ازىق-تۇلىك باعاسى 9,6 پايىزعا ءوستى

بۇل تۋرالى قازاقپارات ستاتيستيكا كوميتەتىنە سىلتەمە جاساپ حابارلايدى.

قاراشادا (2020-جىلعى قازانعا) باعانىڭ ءوسۋى كۇنباعىس مايىنا - 10,7 پايىز، جاڭا جينالعان كوكونىستەرگە- 8,5 پايىز، قۇمشەكەرگە - 6,8 پايىز، جۇمىرتقاعا - 4,6 پايىز، كارتوپقا - 3,8 پايىز، جارمالارعا - 2,1 پايىز، ايرانعا - 1,1 پايىز، ۇنعا - 1 پايىز، سۇتكە، سارى مايعا - 0,8 پايىزدان، ماكارون ونىمدەرىنە 0,7 پايىز بەلگىلەندى.

تەمەكى ونىمدەرى 0,6 پايىز قىمباتتادى. باعانىڭ تومەندەۋى تاۋىقتىڭ سيراعىنا - 1,8 پايىز، المالارعا - 1 پايىز، سوككە 0,5 پايىز تىركەلدى.

باعا ءوسىمى جەكە كولىك قۇرالدارىنا ارنالعان قوسالقى بولشەكتەرگە - 1,5 پايىز، ىدىس-اياققا - 1,4 پايىز، التىننان جاسالعان زەرگەرلىك بۇيىمدارعا- 1,2 پايىز، جۋعىش جانە تازالاعىش قۇرالدارعا - 1 پايىز، تۇرمىستىق اسپاپتارعا - 0,9 پايىز، كيىم جانە اياق كيىمگە، جيھاز جانە ۇيگە قاجەتتى زاتتارعا - 0,7 پايىزدان، پلانشەتتەرگە - 0,6 پايىز، ءدارى-دارمەككە، جەكە قولدانىلاتىن تاۋارلارعا، اۆتوموبيلدەرگە 0,5 پايىزدان قۇرادى. قىسقى ديزەل وتىنى 2,8 پايىز ارزاندادى.

باعا دەڭگەيى كينوتەاترلار قىزمەتتەرىنە - 6,2 پايىز، سپورتتىق كەشەندەر قىزمەتتەرىنە - 1,3 پايىز، ستوماتولوگيالىق قىزمەتتەرىنە - 1 پايىز، مونشاعا بارۋ، قوعامدىق تاماقتاندىرۋ قىزمەتتەرىنە- 0,9 پايىزدان، شاشتارازدار مەن سۇلۋلىق سالوندار قىزمەتتەرىنە 0,7 پايىز ءوستى.

اۋە كولىگىمەن جول ءجۇرۋ اقىسى 0,9 پايىز ارزاندادى. تۇرعىن ءۇي-كوممۋنالدىق قىزمەتتەر سالاسىندا تاريفتەر ىستىق سۋعا - 6,2 پايىز، ورتالىقتىن جىلىتۋعا - 4,5 پايىز، قوقىس شىعارۋ - 1,6 پايىز، سۋىق سۋعا - 0,9 پايىز، ەلەكتر ەنەرگياسىنا - 0,5 پايىز، كارىزگە - 0,2 پايىز ءوستى.