تۇركىستان وبلىسىندا وندىرىلگەن 9,6 مىڭ توننا ەت ب ا ءا، وزبەكستان جانە يرانعا ەكسپورتتالعان

تۇركىستان. قازاقپارات- تۇركىستان وبلىسىندا ءتورت تۇلىكتىڭ سانى كۇن ساناپ ءوسىپ، ءىرى قارا مال 994,2 مىڭ باستى قۇراعان. بۇل تۋرالى وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ مالىمدەدى، دەپ حابارلايدى قازاقپارات ءتىلشىسى.

باسقارما باسشىسىنىڭ سوزىنشە، وڭىردە قوي-ەشكى سانى 4,1 ميلليون باستى قۇراپ، رەسپۋبليكاداعى ۇلەسى ءبىرىنشى ورىنعا تۇراقتاعان.

سونداي-اق، جىلقى 320,5 مىڭ، تۇيە 28 مىڭ، قۇس 2,04 ميلليون باستى قۇراعان. ناتيجەسىندە، ايماقتا ەت ءوندىرۋ %5 عا ارتىپ، 222 مىڭ تونناعا جەتكەن. 699 مىڭ توننا ءسۇت جانە 188,1 ميلليون دانا جۇمىرتقا وندىرىلگەن. شارۋا قوجالىقتارى 9,6 مىڭ توننا ەتتى وزبەكستان، يران، ب ا ءا ەلدەرىنە ەكسپورتتاپ، بۇل رەسپۋبليكاداعى ەكسپورتتىڭ %54 ىن قۇراپ وتىر.

اۋىل شارۋاشىلىعى ونىمدەرىن قايتا وڭدەۋ سالاسىندا وبلىستا 38 ەت وڭدەۋ كاسىپورىنىندا 19,6 مىڭ توننا ەت، 35 ءسۇت وڭدەۋ كاسىپورىنىندا 59,1 مىڭ توننا ءسۇت، 34 جەمىس-كوكونىس وڭدەيتىن كاسىپورىندا 24,6 مىڭ توننا جەمىس قايتا وڭدەلگەن. بۇل كورسەتكىش 39,7 ميلليارد تەڭگەنى قۇراپ، 2,2 ميلليارد تەڭگەگە ارتقان.