قىتاي بيلىگى كوروناۆيرۋسقا قارسى كۇرەسكە 9,56 ميلليارد ا ق ش دوللارىن ءبولدى

بەيجىڭ. شينحۋا- قازاقپارات - 2019-nCov كوروناۆيرۋسىنا قارسى كۇرەستە اتالعان سومانىڭ 4,08 ميلليارد ا ق ش دوللارى قازىردىڭ وزىندە جۇمسالىپ كەتكەن، دەپ حابارلايدى قازاقپارات سينحۋا اگەنتتىگىنە سىلتەمە جاساپ.

«اتالعان سومانىڭ قازىردىڭ وزىندە 28,48 ميلليارد يۋانى (4,08 ميلليارد ا ق ش دوللارى) جۇمسالىپ كەتتى»، - دەدى باسپا ءسوز ءماسليحاتىندا ق ح ر قارجى ءمينيسترى ءۇي ۋەيپيڭ.

قىتايلىق شەنەۋنىكتىڭ ايتۋىنشا، بولىنگەن قاراجاتتىڭ تورتتەن ءبىر بولىگى ەلدىڭ ورتالىق بيۋدجەتىنەن قاراستىرىلعان.

ول سونىمەن قاتار، اتالعان قاراجات كوروناۆيرۋسقا قارسى كۇرەستە سۋبسيديا ءۇشىن جانە عىلىمي- زەرتتەۋ جۇمىسىن جۇرگىزۋ، قاجەتتىلىگى وتكىر تاۋارلار مەن ازىق- تۇلىك قورىن تولىقتىرۋ ماقساتىندا بولىنگەنىن جەتكىزدى.

«قاراجات بارلىق ايماقتان كەلىپ جاتىر. ورتالىق ۇكىمەت تۋرالى ايتار بولساق، ول ۆيرۋستىڭ تاراپ كەتپەۋى ءۇشىن قاجەتتى بارلىق شارانى قولعا الۋدا»، - دەيدى ءۇي ۋەيپيڭ.

اۆتور: ايان بەكەن ۇلى