ادىلەت مينيسترلىگى شەتەل سوتتارىندا 9,4 ميلليارد دوللار كولەمىندە قازاقستان مۇددەسىن قورعادى
«ق ر ادىلەت مينيسترلىگى حالىقارالىق تورەلىك جانە شەتەلدىك سوت ورگاندارىندا مەملەكەتتىڭ مۇددەسىن قامتاماسىز ەتەدى. وسى فۋنكسيانى نىعايتۋ ماقساتىندا 2010 - جىلى مامانداندىرىلعان دەپارتامەنت قۇرىلدى. دەپارتامەنتتىڭ جۇمىس كەزەڭىندە قازاقستان رەسپۋبليكاسىنىڭ پايداسىنا 6 تورەلىك تالقىلاۋ ارقىلى وڭ شەشىم قابىلداندى، ولار بويىنشا 9,4 ميلليارد ا ق ش دوللار قۇرايتىن تالاپ ارىزدار قابىلدانبادى»، - دەلىنگەن مينيسترلىك حابارلاماسىندا.
وسىلايشا، 2010 - جىلى قازاقستان رەسپۋبليكاسىنىڭ پايداسىنا «NCL Dutch Investment BV» جانە «Liman Caspian Oil BV» جەر قويناۋىن پايدالانۋشى - كومپانيالارىنىڭ ينۆەستيتسيالىق تالاپ ارىزدارى بويىنشا 300 ميلليون ا ق ش دوللارىنا (ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ تورەلىك تريبۋنالى) جانە «World Wide Minerals Ltd.» كانادا كومپانياسىنىڭ 3,7 ميلليارد ا ق ش دوللارىنا (ستوكگولم ق. ) شەشىم شىعارىلعان.
«2012 - جىلى ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ تورەلىك تريبۋنالى قازاقستاننىڭ پايداسىنا قاراتوبە كومپانياسىنىڭ ينۆەستيتسيالىق تالاپ ارىزى بويىنشا 1,2 ميلليارد ا ق ش دوللارىنا شەشىم شىعاردى. 2013 - جىلى قازاقستان رەسپۋبليكاسىنىڭ پايداسىنا «رۋبي روز اگريكول» جانە كاسسەم ابداللاح ومار كومپانيالارىنىڭ تالاپ ارىزدارى بويىنشا 215 ميلليون ا ق ش دوللارى (UNCITRAL) جانە «World Wide Minerals Ltd.» كومپانياسىنىڭ تالاپ ارىزى بويىنشا 3 ميلليارد ا ق ش دوللارىنا (UNCITRAL) شەشىم شىعارىلدى»، - دەپ ناقتىلادى ۆەدومستۆو.
وسى جىلى ينۆەستيتسيالىق داۋلاردى رەتتەۋ جونىندەگى حالىقارالىق ورتالىقتىڭ تورەلىك تريبۋنالى 1 ميلليارد ا ق ش دوللارى سوماسىنا تالاپكەردىڭ ەلەكتروەنەگەتيكا سالاسىنداعى ينۆەستيتسيالىق قىزمەتىمەن بايلانىستى «KT Asia Investment Group B.V.» كومپانياسىنىڭ تالاپ ارىز تالاپتارىنان باس تارتتى.
«جالپى وندىرىستە 11 تورەلىك تالقىلاۋ بار، ول بويىنشاتالاپ- ارىز سوماسى شامامەن 4 ميلليارد ا ق ش دوللارىن قۇرايدى»، - دەيدى مينيسترلىك وكىلدەرى.
قازىرگى ۋاقىتتا دەپارتامەنت قىزمەتكەرلەرىنىڭ شتاتى شەتەل ءتىلىن مەڭگەرگەن 12 ماماننان قۇرالعان. قىزمەتكەرلەردىڭ بارلىعى «بولاشاق» حالىقارالىق باعدارلاماسى بويىنشا ا ق ش جانە ۇلى بريتانيانىڭ رەيتينگتىك ج و و- نىڭ تۇلەكتەرى بولىپ تابىلادى.
اۆتور: رۋسلان عابباسوۆ
