تارازدا وتەتىن رەسپۋبليكالىق جازعى اۋىل ويىندارىندا 9 سپورت تۇرىنەن 46 مەدال ساراپقا سالىنادى
تاراز قالاسىنىڭ سپورت الاڭدارىندا قازاق كۇرەسى، توعىزقۇمالاق، اسىق اتۋ، ۆولەيبول، شاعىن فۋتبول، ەركىن كۇرەس پەن ۇستەل تەننيسى، تاەكۆوندو جانە پرەزيدەنتتىك جازعى كوپسايىس بويىنشا شەشۋشى باسەكەلەر وتكىزىلەدى دەپ جوسپارلانۋدا. ايتا كەتەيىك، استانا مەن الماتى قالالارى بۇل ويىندارعا قاتىسپايدى، دەپ حابارلايدى ق ر ۇلتتىق سپورت تۇرلەرى قاۋىمداستىعىنان.
ق ر سپورت جانە دەنە شىنىقتىرۋ ىستەرى اگەنتتىگى مەن جامبىل وبلىسىنىڭ اكىمدىگى ۇيىمداستىرىپ وتىرعان ويىندار 3 كەزەڭنەن تۇرادى. مامىر ايىندا اۋىل-اۋىلداردا باستالعان ءبىرىنشى كەزەڭدە اۋدانارالىق جارىستاردا، ياعني 2- كەزەڭدە ونەر كورسەتەتىن سپورتشىلار انىقتالعان بولاتىن. بۇدان كەيىن اۋدان دەڭگەيىندە جەڭىمپاز اتانعان اۋىل جاستارى 3-كەزەڭدە وبلىستاردىڭ ۇزدىكتەرىن ىرىكتەپ، تارازداعى جارىستارعا جولداما الىپ وتىر. ىرىكتەۋ جارىستارىنىڭ ناتيجەسى بويىنشا ەلىمىزدىڭ 14 ايماعىنىڭ سپورتشىلارى اراسىنان اۋىل ويىندارىنىڭ فينالدىق بولىمىنە قاتىسۋشىلاردى انىقتالدى.
اتاپ ايتقاندا، ۇلتتىق سپورت تۇرلەرى بويىنشا جارىستار كەلەسى كۇندەرگە بەلگىلەنگەن. قازاق كۇرەسىنەن -46 كەلى، 51 كەلى، 57 كەلى، 64 كەلى، 72 كەلى، 81 كەلى، 81+ كەلى سالماق دارەجەلەرى بويىنشا 8- تامىز كۇنى «وليمپيك» سپورت كەشەنىندە جارتىلاي فينال مەن فينال وتەدى. ال توعىزقۇمالاق پەن اسىق اتۋدان سايىستار «تاراز-ارەنا» سپورت كەشەنىندە 7-8-9- تامىز كۇندەرى وتكىزىلىپ، 10- تامىزدا شەشۋشى ويىندار ۇيىمداستىرىلادى.
