التى جولبارىس، بىرنەشە ايۋ ولتىرگەندەر 9, 3 ميلليون رۋبل تولەيتىن بولدى
استانا. قازاقپارات - پريمورە سوتى قىزىل كىتاپقا ەنگەن جانۋارلاردى جاپپاي ولتىرگەن جەرگىلىكتى تۇرعىننان 9,3 ميلليون رۋبل ءوندىرىپ الۋ تۋرالى پروكۋرور تالابىن قاناعاتتاندىردى. بۇل تۋرالى ولكەلىك پروكۋراتۋرا سايتىندا حابارلاندى.
«2011 -جىلدىڭ ماۋسىم ايىنان 2012 -جىلدىڭ ءساۋىرى ارالىعىندا ولكەدەگى لازوۆسك جانە پارتيزانسك مۋنيتسيپالدى اۋداندارىنىڭ اڭشىلىق جەر اۋماعىندا ر ف قىزىل كىتابىنا ەنگەن، جوعالىپ كەتۋدىڭ از-اق الدىندا تۇرعان، اۋلاۋعا تىيىم سالىنعان اڭ مەن قۇس تۇرلەرىنە بەلگىسىز ادامدار اڭشىلىق جاساعان»، - دەلىنگەن حابارلامادا.
ايىپتالۋشى ءوز جولداستارىمەن بىرگە 6 امۋر جولبارىسىن جانە گيمالاي، قوڭىر ايۋلاردى اتىپ ولتىرگەن.
