00:06, 26 - ءساۋىر 2016 | GMT +5
تۇركىمەنستان پرەزيدەنتى سوڭعى 9 جىلدا 36 كىتاپ جازعان
استانا. قازاقپارات - تۇركىمەنستان پرەزيدەنتى گۋربانگۋلى بەردىمۇحامەدوۆتىڭ جاڭا كىتابى جارىق كوردى.
جيناق 21- ساۋىردە وتكەن ات جارىسى شاراسىندا قاتىسۋشىلارعا سىيعا تارتىلدى. وسىدان كەيىن مادەني ورتالىقتا كىتاپتىڭ رەسمي تۇساۋكەسەرى وتكەن.
بۇل تۋرالى ورتالىق ازيا جاڭالىقتار قىزمەتى حابارلايدى.
ءساۋىر ايىنىڭ باسىندا پرەزيدەنت گۋربانگۋلى بەردىمۇحامەدوۆ «بۇگىنگى كۇن مەن ءۇشىن تاريحي كۇن بولىپ سانالادى»، - دەپ جازعان كىتابىن اياقتاعانىن اتاپ وتكەن.
ەلدى باسقارعان جىلدان بەرى تۇركىمەنستان پرەزيدەنتى 36 كىتاپ جازىپتى. ونىڭ ىشىندە «اقالتەكە - ءبىزدىڭ ماقتانىشىمىز بەن قايراتىمىز» دەگەن كىتابى بار. تۇركىمەن باسپا ءسوزى گۋربانگۋلى بەردىمۇحامەدوۆتى سايگۇلىكتىڭ قۇنىن بىلەتىن تۇلعا دەپ اتاعان.
2010-جىلى ەلدە اقالتەكە اتىن ءوسىرۋ حالىقارالىق قاۋىمداستىعى قۇرىلعان. ونىڭ باسشىسى بولىپ بەردىمۇحامەدوۆتىڭ ءوزى سايلانعان.
