الماتىدا 9 بالدىق جەر سىلكىنىسى بولسا تۇرعىن ۇيلەردىڭ 30 پايىز قيراۋى مۇمكىن – ت ج م
بۇل تۋرالى توتەنشە جاعدايلار ۆيتسە-ءمينيسترى يبراگيم كۇلشىمبايەۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي بولجام ايتتى، دەپ حابارلايدى قازااپارات ءتىلشىسى.
«الماتىدا جەر سىلكىنسە، قالانىڭ 60-70 پايىزى قيرايتىنى تۋرالى پىكىرلەرمەن كەلىسەسىز بە؟»، - دەپ سۇرادى جۋرناليست.
ۆيتسە-مينيستر رەسمي بولجام ونداي ەمەس ەكەنىن ايتتى.
«ءيا، مەن الماتىنىڭ رەسپۋبليكامىزداعى ەڭ ءبىر سەيسميكالىق قاۋىپتى وڭىرلەردىڭ ءبىرى ەكەنى تۋرالى پىكرىلەرمەن كەلىسەمىن. قالا 27 قاۋىپتى تەحنوگەندىك پليتانىڭ قوسىندىسىندا ورنالاسقان. بۇل نەگىزىنەن قالانىڭ تاۋلى اۋداندارى. وزگەلەرىنە قاراعاندا بارىنشا قاۋىپسىز اۋدان - تۇرىكسىب اۋدانى. قالعان مەدەۋ، بوستاندىق اۋداندارى، باسقالارى دا پليتالاردىڭ قوسىندىسىندا ورنالاسقان. بۇل ورىنداردا قاۋىپ ايتارلىقتاي جوعارى. جەر سىلكىنىسى بولا قالسا، قالانىڭ 60-70 پايىزى قيراندىعا اينالادى دەگەن پىكىرمەن كەلىسە المايمىن. ءبىراق بولجاۋ دەرەكتەرى بويىنشا، 9 جانە ودان دا جوعارى اپاتتىق ءزىلزالا بولعان جاعدايدا تۇرعىن عيماراتتارى 30 پايىز دەيىن قيراۋى مۇمكىن. وسىدان- اق قانداي شىعىن كەلەتىنىن ەسەپتەۋگە بولادى»، - دەدى يبراگيم كۇلشىمبايەۆ.
