اقتوبەدەگى لاڭكەستىككە قاتىسى بار 9 ادام 2-ايعا قامالدى

اقتوبە. قازاقپارات - اقتوبەدەگى تەراكتىگە قاتىسى بار 9 ادام سوت شەشىمىمەن 2 ايعا قامالدى، دەپ حابارلادى وبلىستىق سوتتىڭ باسپا ءسوز قىزمەتى.

«اقتوبە قالاسىنىڭ №2 -سوتىنا «پاللادا» قارۋ دۇكەنىنە، №6655 اسكەري بولىمگە قارۋلى شابۋىل جاساعان 16-29 جاس ارالىعىنداعى 9 تۇلعانى قاماۋعا الۋ تۇرىندەگى شارا قولدانۋ تۋرالى ءوتىنىش كەلىپ تۇسكەن»، - دەلىنگەن باسپا ءسوز بايانىندا.

اقتوبە قالاسىنىڭ №2 -سوتى تەرگەۋ سۋدياسىنىڭ قاۋلىسىمەن كورسەتىلگەن تۇلعالارعا شارا قولدانۋ تۋرالى ءوتىنىش قاناعاتتاندىرىلدى، 2016 -جىلدىڭ 8- جانە 14 -ماۋسىم كۇندەرى 2 ايعا قاماۋعا الۋ شاراسى قولدانىلدى.