ك. كوكىرەكبايەۆتىڭ سانجىعا ساپارىنىڭ قورىتىندىلارى: 9 كەلىسىمگە قول قويىلدى، 20 ينۆەستور جامبىل وبلىسىنا قىزىعۋشىلىق ءبىلدىردى - فوتو

سانجى. قازاقپارات - جامبىل وبلىسىنىڭ اكىمى كارىم كوكىرەكبايەۆ پەن ق ح ر شىڭجاڭ- ۇيعىر اۆتونومدىق اۋدانىنىڭ سانجى - حۋيزۋ اۆتونومدىق وبلىسىنىڭ (چ ح ا و) گۋبەرناتورى ما سيۋنچەن (Ma Xiongcheng) قازاقستاندىقتاردىڭ سانجى قالاسىنا جاساعان ەكىكۇندىك ساپارىنىڭ قورىتىندىلارى بويىنشا ەكى ايماق اراسىندا باۋىرلاس بايلانىستاردى ورناتۋ تۋرالى كەلىسىمگە قول قويدى.

ولاردىڭ قاتىسۋىمەن جامبىلدىق جانە سانجى - حۋيزۋ دەلەگاتسيالارىنىڭ مۇشەلەرى جامبىل وبلىسى مەن TBEA ەلەكتر- تەحنيكالىق بىرلەستىگى (الەمدە ەلەكتر ترانسفورماتورلارى مەن كابەلدەردى ەڭ ءىرى شىعارۋشى) ، جامبىل وبلىسىنىڭ بايزاق اۋدانى مەن ش ۇ ا ر سانجىنىڭ ماناس اۋدانى، جامبىل وبلىسىنىڭ قورداي اۋدانى مەن ش ۇ ا ر سانجىنىڭ قۇتىبي اۋدانى، جامبىل وبلىسىنىڭ شۋ اۋدانى مەن ش ۇ ا ر سانجىنىڭ موري- قازاق اۆتونومدىق اۋدانى، جامبىل وبلىسى اكىمدىگىنىڭ اۋىل شارۋاشىلىق باسقارماسى مەن سانجىنىڭ حالىق ۇكىمەتى ەكونوميكا جانە ساياسات كوميتەتى، جامبىل وبلىسى اكىمدىگىنىڭ اۋىل شارۋاشىلىق باسقارماسى مەن ش ۇ ا ر سانجىنىڭ حالىق ۇكىمەتى باسقارماسى، جامبىل وبلىسى اكىمدىگىنىڭ مادەنيەت باسقارمالارى مەن سانجىنىڭ حالىق ۇكىمەتى باسقارماسى، تاراز مەملەكەتتىك پەداگوگيكا ينستيتۋتى مەن سانجى كاسىبي- تەحنيكالىق كوللەدجدىڭ اراسىندا ءوزارا تۇسىنىستىك پەن ىنتىماقتاستىقتى نىعايتۋ تۋرالى مەموراندۋمدارعا قول قويدى.

«بۇگىن ءبىز سانجى - حۋيزۋ اۆتونومدىق وبلىسىنىڭ گۋبەرناتورىمەن باۋىرلاس بايلانىستاردى ورناتۋ تۋرالى كەلىسىمگە قول قويدىق. ونەركاسىپ سالاسىندا، سونىڭ ىشىندە حيميالىق تىڭايتقىشتاردى وندىرۋدەگى ءوزارا ىقپالداستىق ەڭ باستى ماسەلە بولىپ وتىر. جامبىل وبلىسىندا بۇل يندۋستريا، اتاپ ايتقاندا فوسفور، گوموفوس ءوندىرۋ جاقسى دامىعان. قۇرىلىس سالاسىندا ءبىزدىڭ وبلىسىمىز سەمەنت، گيپس شىعارىپ وتىر. قىتايلىق تاراپ ءبىزدىڭ بۇل ونىمدەردى قىتايعا جەتكىزۋىمىزگە قىزىعۋشىلىق تانىتۋدا. ءۇشىنشى سالا - اۋىل شارۋاشىلىعى. ولار ەت، ءبيداي، ارپا، سويا مايى، جۇگەرىگە قىزىعۋشىلىق تانىتىپ وتىر» ، - دەدى جامبىل وبلىسىنىڭ اكىمى ك. كوكىرەكبايەۆ قازاقپارات تىلشىسىنە بەرگەن سۇحباتىندا.

ول ەكى كۇننىڭ ىشىندە سانجى - حۋيزۋ اۆتونومدىق وبلىسىنىڭ ونەركاسىپ، اۋىلشارۋاشىلىق جانە الەۋمەتتىك نىساندارى قارالعانىن اتاپ ءوتتى.

«مۇندا تامشىلاپ سۋارۋ جۇيەسى جوعارى دامىعان. ءبىز سانجىلىقتاردى جامبىل وبلىسىنا شاقىردىق. بىزگە 20 عا جۋىق ينۆەستور كەلمەك. ءبىز وزىمىزدە اۋىلشارۋاشىلىق ءونىمدى، ءبىرىنشى كەزەكتە قىزاناقتاردى قايتا وڭدەيتىن زاۋىتتاردى قۇرۋعا قىزىعۋشىلىق تانىتۋدامىز. مۇنداعى جىلىجايلاردا وسىمدىكتەردىڭ شامامەن 250 ءتۇرى ءوسىرىلىپ جاتىر. ءبىز ولاردى ءوز اۋدانىمىزدا ءوسىرۋدى جوسپارلادىق» ، - دەپ اتاپ ءوتتى اكىم.

ونىڭ ايتۋىنشا، جامبىل وبلىسى الەمدە ەلەكتر- تەحنيكالىق جابدىقتاردىڭ ەڭ ءىرى شىعارۋشىسى TBEA كومپانياسىمەن (جىلدىق تابىسى - 800-گە جۋىق ميلليون دوللار) ىنتىماقتاسادى.

«ءبىز بالامالى ەنەرگەتيكانى دامىتىپ جاتىرمىز، جىل سايىن ساپالى ترانسفورماتورلاردىڭ كوپ سانى كەرەك» ، - دەپ اتاپ ءوتتى ول.

«مادەني سالادا ءبىز قىتايلىق عالىمدار، ارحەولوگتار، زەرتتەۋشىلەر جانە قاراپايىم تۋريستەردىڭ جامبىل وبلىسىنا كوپ كەلۋى ءۇشىن ەلدەرىمىزدىڭ اراسىندا تاريحي تۋريزمدى دامىتۋعا نيەتتىمىز. بىزدە  1600 تاريحي ەسكەرتكىش بار، تاراز قالاسىنىڭ ورتالىعىندا اشىق اسپان استىنداعى مۇراجاي اشىلدى، وندا 33 مىڭ ارتەفاكت ساقتالعان. ءبىز جىبەك جولىندا ورنالاسقانبىز» ، - دەدى اكىم.

ك. كوكىرەكبايەۆ سانجى قالاسىندا قالا سالۋدىڭ كەيبىر وڭ اسپەكتىلەرىنەن دە ۇلگى الۋدى جوسپارلاپ وتىرعانىن حابارلادى.

«مەن بۇل ساپار ءبىز ءۇشىن جەمىستى بولدى دەپ ويلايمىن. قانداي داعدارىس بولعانىنا قاراماستان، ەگەر ءبىز ينۆەستورلاردى تارتساق، بىزدە بارلىعى جاقسى بولىپ، جامبىل وبلىسىنىڭ ەكونوميكاسى دامۋىن جالعاستىرادى. ءبىز سانجىلىق ارىپتەستەرىمىزدى بيىلعى جىلدىڭ مامىر ايىندا قىتايلىق ينۆەستورلار مەن مامانداردىڭ ەگىس ناۋقانىنا (سويا، جۇگەرى جانە باسقا داقىلدار) ۇلگەرىپ، بارلىعىن ءوز كوزىمەن كورۋى ءۇشىن جامبىل وبلىسىنا كەلۋگە شاقىردىق» ، - دەپ تۇيىندەدى ول.

 قازاقستاندىق دەلەگاتسيا قۇرامىندا وبلىس اكىمىنىڭ ورىنباسارى ابدالى نۇراليەۆ، باسپا ءسوز حاتشىسى گۇلبارشىن قۇلانبايەۆا، جامبىل وبلىسى بايزاق (مۇراتحان شوكەيەۆ) ، قورداي (قايرات دوسايەۆ) جانە شۋ «(رۇستەم داۋلەت) اۋداندارىنىڭ اكىمدەرى، وبلىستىق اكىمدىكتىڭ اۋىل شارۋاشىلىعى باسقارماسىنىڭ باستىعى نۇرجان نۇرجىگىتوۆ، مادەنيەت باسقارماسى باستىعىنىڭ ورىنباسارى مۇباراك جيناقبايەۆا، تاراز مەملەكەتتىك پەداگوگيكالىق ينستيتۋتىنىڭ (داريا قوجامجاروۆا) جانە تاراز يننوۆاتسيالىق- گۋمانيتارلىق ينستيتۋتىنىڭ (ەربولات ساۋرىقوۆ) رەكتورلارى، «رىسپايەۆا جانە ك» ج ش س ديرەكتورى ساۋلە رىسپايەۆا، «مەركە ىرىمشىك زاۋىتى» ج ش س ديرەكتورى داستان ايتولەنوۆ، سونداي- اق «باپىش- سەيسەنباي» (ساكەن راپىلبەكوۆ) ، «ولجا» (بەرىك ەگەمبەرديەۆ) ، «زليحا» (نۇرجىگىت بەگالى) ، «تالاپ» (ماۋىت فازىلوۆ) ، «ناريمان» (باقتىباي ساۋدابايەۆ) شارۋا قوجالىقتارىنىڭ باسشىلارى بولدى.

«انىقتاما. چانتسزي (سانجي) قالاسى - چانتسزي- حۋەي اۆتونوميالىق وكرۋگىنىڭ ماڭىزدى كولىك تورابى، ولار ارقىلى شىڭجاڭ سولتۇستىك تەمىر جولى مەن ۋكۋي ماگيسترالى وتەدى. ەجەلگى ۋاقىتتا قالا ۇلى جىبەك جولىنىڭ سولتۇستىك تارماعىنداعى نەگىزگى پۋنكتتەرىنىڭ ءبىرى بولدى.

جامبىل وبلىسى قازاقستان- قىتاي ءوڭىرارالىق ىنتىماقتاستىعىن دامىتۋدىڭ الدىندا كەلەدى. 2015 -جىلعى 11-14 - قاڭتاردا اكىم كارىم كوكىرەكبايەۆ باستاعان جامبىل وبلىسىنىڭ دەلەگاتسياسى ق ح ر- دىڭ شەنسي پروۆينتسياسىنداعى شيان قالاسىندا بولدى. ساپار قورىتىندىلارىمەن جالپى سوماسى 400 ميلليون دوللارعا جۋىق كەلىسىمدەرگە قول قويىلدى. بىرلەسكەن باستى جوبالار - قىتايلىق «دا ي» كومپانياسىنىڭ قۋاتى 200 م ۆ ت جەل ەلەكتر ستانساسىن سالۋ، يانلين ۇلگىلى اۋىل شارۋاشىلىعى ايماعىن باسقارۋ كوميتەتىنىڭ جامبىل وبلىسىندا جوعارى تەحنولوگيالىق اگرارلى- يننوۆاتسيالىق پارك قۇرۋ كەلىسىمى بولدى.

 تاراز جانە شيان - باۋىرلاس قالالار. وسى جولعى ساپار بارىسىندا جامبىل وبلىسى مەن سانجى - حۋيزۋ اۆتونومدىق وبلىسىنىڭ باۋىرلاستىق بايلانىستار ورناتۋ جوسپارلانۋدا. جامبىل وبلىسى مەن قىتايدىڭ اتالعان وڭىرىمەن اراسىنداعى بايلانىستىرۋشى بۋىن قازاقستان دۇنگەندەرى قاۋىمداستىعى بولماق.