«9-20-25» باعدارلاماسىن ىسكە قوسۋ باسپانا نارىعىنا قالاي اسەر ەتەدى-ساراپشى پىكىرى
قازاقستاننىڭ ريەلتورلارى بىرلەسكەن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو «9-20-25» باعدارلاماسىن ىسكە قوسۋ باسپانا نارىعىنا قالاي اسەر ەتەتىندىگىنە قاتىستى پىكىر ءبىلدىردى، دەپ حابارلايدى Kazinform.
«كەلەسى جىلى «9-20-25» قولجەتىمدى يپوتەكانىڭ شارتتارى جاريا ەتىلمەك. ءۇي العىسى كەلەتىن كوپتەگەن جان باسپانا ساتىپ الۋ ءۇشىن جاڭا قولجەتىمدى تەتىكتەردى كۇتىپ وتىر. دەگەنمەن، يپوتەكانىڭ بۇل ءتۇرى ازاماتتاردىڭ بارلىق ساناتىنا قولجەتىمدى بولماۋى ىقتيمال»،-دەدى ول اگەنتتىك تىلشىسىنە بەرگەن سۇحباتىندا.
وسى ورايدا ول باسپانا ساتىپ الۋدى جوسپارلاپ جۇرگەن تۇرعىندارعا كەڭەس بەردى.
«بۇكىل نارىققا قاتىستى ناقتى ۇسىنىم جوق. ءاربىر جاعدايدىڭ تاساسىندا ناقتى مىندەتى، ويى، ومىرلىك جوسپارلارى بار ادامدار تۇر. سوندىقتان ۇسىنىس بىرەۋ عانا - ءومىر جالعاسا بەرەدى. دەمەك، ەگەر ءسىز باسپانانى ساتپاق بولساڭىز ساتىڭىز، ساتىپ العىڭىز كەلسە، وزىڭىزگە قولايلى مۇمكىندىكتەردى قاراستىرڭىز»،-دەدى نينا لۋكيانەنكو.
