بەيجىڭدە 8- رەت «اباي وقۋلارى» ءوتتى

استانا. قازاقپارات - بەيجىڭدە ۇلى ويشىل، اقىن، دالا ادەبيەتى مەن مادەنيەتىنىڭ رەفورماتورى، قازاق ادەبيەتىنىڭ نەگىزىن قالاۋشىسى اباي قۇنانباي ۇلىنىڭ كۇنى اتالىپ ءوتتى، دەپ حابارلايدى ق ر س ءى م باسپا ءسوز قىزمەتى.

ءىس-شارا اياسىندا قىتايلىق وقۋشىلار مەن ستۋدەنتتەر اباي ولەڭدەرىن قازاق جانە قىتاي تىلدەرىندە وقىدى. سونداي-اق بەيجىڭ حالىق اسپاپتار وركەسترىنىڭ ارتىستەرى مەن قىتاي ۇلتتارى ورتالىق ۋنيۆەرسيتەتىنىڭ ستۋدەنتتەرى قازاق جانە قىتاي ۇلتتىق مۋزىكالىق اسپاپتارىنىڭ سۇيەمەلدەۋىمەن اباي اندەرىن ورىندادى.

جىل سايىن قىتايلىق جۇرتشىلىقتى ابايدىڭ ەڭبەكتەرىمەن تانىستىرۋ ارقىلى رۋحاني اعارتۋ ءىس-شارالارىن وتكىزۋ، ۇلى تۇلعانىڭ ەسكەرتكىشىنە گۇل شوقتارىن قويۋ، ونىڭ شىعارمالارىن وقۋ چەللەندجدەرىن ۇيىمداستىرۋ بەيجىڭنىڭ ادەبيەت، ونەر جانە كوركەم ءسوز اۋەسقويلارى اراسىنداعى جاقسى داستۇرگە اينالدى.

ءىس-شارانىڭ قوناقتارى ق ح ر- دا اككرەديتتەلگەن ءبىرقاتار ديپلوماتيالىق ميسسيالاردىڭ باسشىلارى، مەملەكەتتىك ورگانداردىڭ، قىتايدىڭ اكادەميالىق جانە شىعارماشىلىق زيالىلارى، قازاق دياسپوراسىنىڭ وكىلدەرى، سونداي-اق قازاقستاندىق جانە قىتايلىق ب ا ق جۋرناليستەرى بولدى.