مەكسيكا عالىمدارى 8 مىڭ جىلدىق قوقيقاز جۇمىرتقاسىن تاپتى

مەحيكو. تاسس- قازاقپارات - مەكسيكا ۇلتتىق انتروپولوگيا جانە تاريح ينستيتۋتىنىڭ ماماندارى مەحيكو شتاتىنىڭ سانتا- ليۋسيا مۋنيتسيپاليتەتىندەگى Felipe Angeles حالىقارالىق اۋەجايىنىڭ قۇرىلىس ورنىنان تاسقا اينالعان قوقيقاز جۇمىرتقاسى تاپقانىن مالىمدەدى، دەپ حابارلايدى قازاقپارات تاسس اقپارات اگەنتتىگىنە سىلتەمە جاساپ.
None
Фото: Alexas_Fotos/pixabay.com

ينستيتۋتتىڭ حابارلاعانىنداي، بۇل قۇرلىقتىق امەريكا اۋماعىندا تابىلعان وسىنداي العاشقى ولجا.

«ۇلتتىق انتروپولوگيا جانە تاريح ينستيتۋتى (INAH) Felipe Angeles حالىقارالىق اۋەجايىنىڭ قۇرىلىسى كەزىندە ەرەكشە ساقتالعان 8-12 مىڭ جىل بۇرىنعى قوقيقاز جۇمىرتقاسىن زەرتتەۋ ناتيجەلەرىن جاريالادى. قازىپ الىنعان جۇمىرتقانىڭ ۇزىندىعى - 93,491 م م، ەنى 55,791 م م؛ ول سوپاقشا ءپىشىندى، داقتارى جوق»، - دەلىنگەن ينستيتۋت مالىمدەمەسىندە.

جۇمىرتقا توپىراقتىڭ ساز قاباتىندا 31 س م تەرەڭدىكتە جاتقان.

عالىمداردىڭ پىكىرىنشە، سولتۇستىك امەريكانىڭ قۇرلىقتىق پالەوكولدەرىندە فلامينگو قازبالارىنىڭ بولۋى تاڭقالارلىق بولىپ كورىنەدى، ويتكەنى قازىرگى فلامينگو تۇرلەرى وڭتۇستىك امەريكادا، كاريب تەڭىزىندە جانە يۋكاتان تۇبەگىندە كەڭ تارالعان، ال امەريكا قۇراما شتاتتارىندا ول فلوريدا مەن مەكسيكا شىعاناعىنىڭ سولتۇستىك جاعالاۋىندا كەزدەسەدى.

«سانتا- ليۋسيادا جۇمىرتقانىڭ تابىلۋى قوقيقازداردىڭ ورتالىق مەكسيكانىڭ كولدى لاندشافتتارىنىڭ بولىگى بولعانىن جانە بۇل كولدەردىڭ مۇزدانۋ مەن جانارتاۋ بەلسەندىلىگىنەن وزگەرىسكە ۇشىراعانىن راستاپ وتىر»، - دەپ اتاپ وتىلگەن INAH مالىمەتتەرىندە.

سوڭعى جاڭالىقتار