سەيسەنبىدە كۇن جاڭبىرلى بولادى، 8 وڭىردە ۇسىك جۇرەدى
اتموسفەرالىق فرونتاتتاردىڭ اسەرىنەن رەسپۋبليكانىڭ باتىسىندا، وڭتۇستىك- باتىسىندا جاڭبىر جاۋادى.
ماڭعىستاۋ وبلىسىندا كۇندىز كەي ۋاقىتتاردا قاتتى جاڭبىر بولادى.
ەلىمىزدىڭ شىعىسىندا جانە وڭتۇستىك- شىعىس اۋدانداردىڭ تاۋلى ايماقتارىندا جاڭبىر مەن قار جاۋۋى مۇمكىن.
الماتى وبلىسىندا كەي ۋاقىتتا قاتتى جاۋىن-شاشىن (جاڭبىر، قار) جاۋادى.
قازاقستان بويىنشا جەل كۇشەيەدى، رەسپۋبليكانىڭ باتىسىندا، وڭتۇستىگىندە، وڭتۇستىك- شىعىسىندا - نايزاعاي، وڭتۇستىك- شىعىسىندا تاۋلى ايماقتارىندا - بۇرشاق، سولتۇستىگىندە جانە شىعىسىندا - تۇمان، وڭتۇستىك- باتىسىندا، وڭتۇستىگىندە - شاڭدى داۋىل سوعادى.
تۇندە اقمولا، پاۆلودار، سولتۇستىك قازاقستان، قاراعاندى وبلىستارىندا، الماتى وبلىسىنىڭ تاۋلى اۋداندارىندا 1-6 گرادۋس ۇسىك ساقتالادى.
قوستاناي وبلىسىنىڭ سولتۇستىك- شىعىسىندا، ۇلىتاۋ وبلىسىنىڭ سولتۇستىگىندە، جەتىسۋ وبلىسىنىڭ تاۋلى اۋداندارىندا 2 گرادۋسقا دەيىن ۇسىك جۇرەدى.
