17:10, 26 - ءساۋىر 2023 | GMT +6
بەسىنشى قاباتتان 8 جاسار بالا پوليەتيلەن پاكەتىن پاراشيۋت قىلىپ سەكىرگەن
تالدىقورعان. قازاقپارات - جەتىسۋ وبلىسىندا سەگىز جاسار بالا بەسىنشى قاباتتىڭ تەرەزەسىنەن قۇلاپ، ءتىرى قالدى، دەپ حابارلايدى قازاقپارات ءتىلشىسى.
وقيعا 25- ساۋىردە ساعات 12:20-دا تەكەلى قالاسىندا بولدى. ۇيدە ەرەسەكتەردىڭ قاراۋىنسىز قالعان 2015 -جىلى تۋعان بالا بەسىنشى قاباتتىڭ تەرەزەسىنەن پاراشيۋت تۇرىندە پوليەتيلەن پاكەتىن پايدالانىپ سەكىرگەنى بەلگىلى بولدى. قازىرگى ۋاقىتتا بالانىڭ جاعدايى تۇراقتى. ول تالدىقورعان قالاسىنىڭ وبلىستىق اۋرۋحاناسىنا جاتقىزىلدى.
«بەلگىلى بولعانداي، اعاشقا قۇلاعان. امان قالۋىنا اعاشتىڭ دا سەپتىگى تيگەن دەپ ويلايمىز.
جەتىسۋ وبلىسى ت ج د ازاماتتاردان بالالاردى ەرەسەكتەردىڭ قاراۋىنسىز قالدىرماۋعا، سونداي- اق بالالاردى تەرەزەنى اشۋدان ارنايى قورعانىس قۇرىلعىلارىن ورناتۋعا شاقىرادى» ، - دەلىنگەن جەتىسۋ وبلىسى تجد باسپا ءسوز قىزمەتىنىڭ حابارلاماسىندا.