الەمدە حالىق سانى 8 ميللياردتان استى
وندا الەمدە حالىق سانى 8 ميللياردتان اسسا، جاعداي قيىندايتىنىن ەسكەرتىلگەن. ءبىراق ادامزات بۇل مەجەدەن بىلتىر اسىپ كەتتى. مامانداردى الاڭداتىپ وتىرعان تاعى ءبىر ماسەلە بار. بۇل حالىقتىڭ قارتايۋى. 2021 -جىلى الەمدە جاسى 65-تەن اسقاندار سانى 761 ميلليون بولعان. 2050 -جىلعا تامان ول كورسەتكىش ەكى ەسە ارتىپ، ءبىر جارىم ميللياردتان اسۋى مۇمكىن.
ب ۇ ۇ- نىڭ بولجامى وسىنداي. بۇل ەكونوميكاعا ۇلكەن سالماق تۇسىرەتىنى ايتپاسا دا تۇسىنىكتى. ويتكەنى جۇمىس ىستەيتىن ادام سانى كەميدى. تيىسىنشە سالىق ازايادى. ءسويتىپ زەينەتكە شىققان قارتتاردىڭ ءوزىن اسىراۋ قيىندايدى. ءومىر ءسۇرۋ ۇزاقتىعىنىڭ ۇلعايۋىنا مەديتسينانىڭ دامۋى مەن ءبىلىم بەرۋدىڭ قولجەتىمدى بولۋى اسەر ەتكەن. الداعى 30 جىل ىشىندە اسىرەسە افريكادا ەگدە جاستاعى تۇرعىندار سانى تەز ارتادى دەگەن بولجام بار.
قازىر بۇل ەۋروپا ءۇشىن وزەكتى پروبلەما. قۇرلىقتىڭ حالقى كارى سانالادى. جاستار بالالى بولۋعا اسىقپايدى. سونىڭ سالدارىنان 2070- جىلعا تامان ەۋرووداق حالقىنىڭ ۇشتەن ءبىرى 65-تەن اسقان قارتتار بولادى دەگەن بولجام بار. بۇل ماسەلە گەرمانيا، يتاليا مەن بالتىق ەلدەرى ءۇشىن وزەكتى.
ەۋروپادان بولەك اۆستراليا، كانادا، جاڭا زەلانديا مەن ا ق ش- تا وسىنداي پروبلەما بار. ءبىراق بۇل تورتەۋىندە ماسەلە جاس ميگرانتتار ەسەبىنەن شەشىمىن تاۋىپ وتىر. دۇنيەجۇزىلىك بانك مالىمەتىنە سايكەس، بۇگىندە جاسى 65-تەن اسقان تۇرعىندار سانى بويىنشا الەمدە ءبىرىنشى ورىندا موناكو تۇر. ەكىنشى ورىندا - جاپونيا.
كۇنشىعىس ەلى ءۇشىن - حالىقتىڭ قارتايۋى بۇرىننان بەرى كەلە جاتقان پروبلەما. ءبىراق كەيىنگى ۋاقىتتا ول تىپتەن ۋشىعىپ كەتتى. ويتكەنى بالا تۋۋ كورسەتكىشتەرى تىم تومەن. ماسەلەن، 125 ميلليون تۇرعىنى بار ەلدە بىلتىر دۇنيەگە كەلگەن ءسابيدىڭ سانى 800 مىڭعا دا جەتپەگەن. وسىعان بايلانىستى بيلىك بالا مەن وتباسى ىستەرى جونىندەگى اگەنتتىك قۇرۋدى ۇسىنىپ وتىر. سونىمەن قوسا ءسابيلى بولۋعا ىنتالاندىرۋ باعدارلامالارىنا بولىنەتىن اقشانى ەكى ەسە كوبەيتۋ يدەياسى دا ايتىلدى. ساراپشىلار بۇدان بولەك كوشى- قون ەرەجەلەرىن وزگەرتۋ قاجەت دەيدى. ياعني شەتەلدىكتەردىڭ ەلگە كىرۋ تالاپتارىن جەڭىلدەتۋى مۇمكىن.
www.24.kz