پرەزيدەنتتىك كادر رەزەرۆىنە جاستار 8 باعىت بويىنشا ىرىكتەلەدى
بۇل تۋرالى مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى ازامات جولمانوۆ ايتتى، دەپ حابارلايدى قازاقپارات ءتىلشىسى.
«بۇل ولقىلىق ەمەس. ياعني، ءبىرىنشى رەزەرۆتى جيناعاندا سالالار بويىنشا ناقتى تالاپ قويىلعان جوق. دەمەك، ءبىرىنشى، ەكىنشى رەزەرۆتى امبەباپ مامانداردى كوپ جينادىق. ەندى ءۇشىنشى رەزەرۆتە سالالاردىڭ قاجەتتىلىگى بويىنشا ىرىكتەۋ ماسەلەسى تۇر. ول ەنەرگەتيكا، ءبىلىم بەرۋ، IT- ماماندىعى سىندى سالالاردىڭ ماماندارى بولۋى ءتيىس. ياعني، وسى ناقتى 8 سالا بويىنشا مەملەكەتتىك ورگانداردىڭ قاجەتتىلىگىنە ماماندار ىرىكتەلەدى»، - دەدى ول اگەنتتىكتىڭ كەڭەيتىلگەن القا وتىرىسى اياسىندا ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، ءبىرىنشى ىرىكتەۋدە 300 ادام، ەكىنشىسىندە 50 ادام ىرىكتەپ الىندى. ولاردىڭ ىشىندە بۇگىنگە دەيىن 258 ادام جۇمىسقا ورنالاستى. 23 ءى ساياسي مەملەكەتتىك قىزمەتتە، 10 ى «ا» كورپۋسىندا لاۋازىمدى قىزمەت اتقارادى.
